zdravo-e-koga-decata-veruvaat-vo-dedo-mraz_image3
Споделете со пријателите!

Лагата има кратки нозе но кога станува збор за воспитувањето на децата понекогаш „белите“ лаги се дозволени. Кај повеќето од децата верувањето во Дедо Мраз е нормален дел од здравиот развој, велат психолозите.
Дедо Мраз е само еден од начините за посреќно детство. Митот за стариот дебел човек со бела коса, долга бела брада и црвено-бела облека и капа, кој лета по небото со својата огромна санка што ја влечат магични ирваси, со вреќи полни подароци подготвени од малите џуџиња за сите деца кои цела година биле послушни – претставува традиција кај многу семејства.

„Дедо Мраз е одлична инспирација за учење на вистинските вредности“

Целото семејство ползува придобивки од верувањето во Дедо Мраз кај дечињата. Модерната реинкарнација на вистинската приказна за христијанскиот светец Свети Никола, народски познат како Дедо Мраз кој за Бадник, денот пред Божиќ, влегува во секој дом низ оџакот и подароците ги остава под елката, со возбуда, радост и среќа за време на празниците не ги преполнува само децата, туку и нивните родители. За возрасните членови од семејството нема поголема среќа во празничните моменти, од среќата на најмалите во домот.

Дедо Мраз како инспирација за учење на вистинските вредности

zdravo-e-koga-decata-veruvaat-vo-dedo-mraz_image1Верувањето во Дедо Мраз од страна на децата, помага тие да бидат послушни и умни во текот на целата година. Тие веруваат дека доколку се однесуваат како што доликува на нивната возраст, доколку се добри, културни и љубезни, остваруваат добар успех на училиште, не се караат и не се тепаат со своите другарчиња и ги завршуваат своите училишни, лични и домашни обврски – на крајот од годината ќе бидат наградени.

„Имагинацијата е нормален дел од развојот и помага во развојот на креативните умови“ – истакнува Д-р Метју.

Лошата страна во целата оваа приказна е доколку Дедо Мраз заборави на нив или пак, не им го погоди долгоочекуваниот подарок, т.е. доколку родителите не ги исполнат своите новогодишни ветувања. „Јас не мислам дека е лошо кога децата веруваат во митот за некој што се обидува да ги направи луѓето среќни, доколку се однесуваат добро“ – рече Д-р Метју Лорбер – Matthew Lorber детски психијатар од болницата „Lenox Hill“ во Њујорк.

Не плашете се од лагата за Дедо Мраз, бидејќи таа е базирана на факти

Свети Никола не е измислен. Тој навистина постоел и се прочул по својата неизмерна добрина. Им давал подароци и пари на сиромашните, бидејќи сакал да ги направи среќни. „Тоа е вистинска приказна, тоа е вистинска вредност и нешто што ги инспирира децата“ – објаснува Д-р Метју. Психолозите сметаат дека вербата во митските суштества од бајките е здрава. Децата ја употребуваат својата фантазија постојано, дури и кога знаат дека веруваат во нешто кое не постои. Психолозите се загрижени кога некои деца не ја користат својата бујна имагинација и не се способни креативно да размислуваат.

Прочитајте:  Ефикасно лекување на габични инфекции на кожа и нокти

Дедо Мраз е маркетинг трик?

Легендата за Дедо Мраз е длабоко вкоренета и во маркетинг културата и познато е дека денешната проекција на измислениот добар старец потекнува од компанијата за зашеќерени пијалоци Кока-Кола. Дедо Мраз се појавува на речиси сите реклами и филмови, објаснува Д-р Стефани Вагнер – Stephanie Wagner клинички психолог од Центарот за испитување на деца „NYU Child Study Center во Њујорк. „Јас не мислам дека ние би можеле да кажеме дека тоа е добра работа, но јас со сигурност би рекла дека тоа не е штетно“ – објаснува Д-р Вагнер за порталот „LiveScience“.

„Божиќ ги спојува семејствата, а митот за Дедо Мраз ги зајакнува семејните врски“ – додава таа.

Писмо до Дедо Мраз

zdravo-e-koga-decata-veruvaat-vo-dedo-mraz_image2Божиќната традиција исто така принудува поголем дел од децата да го извежбаат своето писмено изразување низ писмата со желби и барања до Среќниот Дедо. Многу од децата не сакаат да пишуваат, но тие ќе направат најголем напор да ја победат таа своја мрза, за да го замолат со љубов исполнувачот на нивните желби, вели Д-р Вагнер.

Верба и надеж – извор на среќа. Но, што доколку не верувам повеќе?

„Вербата и фантазијата се многу важен дел од животот не само на децата, туку на секој возрасен здрав човек“

Децата на различна возраст престануваат да веруваат во овој мит. Психолозите советуваат дека кога детето ќе почне да прашува дали Дедо Мраз навистина постои, родителите треба самите да проценат дали детето е спремно да ја прифати вистината. Доколку семејствата не ја имаат оваа традиција или пак, живеат според друга култура и религија, треба да ги научат своите деца да не бидат злобни и дека некои нивни врсници веруваат во Дедо Мраз и тие не треба да им го „кршат филмот“.

Вербата и фантазијата се многу важен дел од животот не само на децата, туку на секој возрасен здрав човек. Возрасните е незрело да веруваат во Дедо Мраз од Лапонија, меѓутоа треба да веруваат во себе, своите амбиции, своите ставови, своите желби, затоа што вербата е двигател на мотивацијата и патот кон сопствената среќа.


Споделете со пријателите!