Прочитајте како да добиете тело како Бред Пит во филмот „Боречки клуб“
Сцената кога Бред Пит во „Боречки клуб“ (Fight club) се соблекува до половина за физички да се пресмета со неговото алтер его Тајлер, е една од оние ментални слики коишто остануваат долго да се паметат. Токму таа сцена му го отвори патот низ познатите негови улоги за кои се бараше голема физичка подготвеност, „Снеч“ (Snatch) од Гај Ричи и „Троја“, (Troy). Одговорот за неговата физичка трансформација е релативно лесно да се погоди – фитнес тренери. Неговиот фитнес режим за подготовка за улогата во „Боречки клуб“ (Fight club) бил во комбинација со нутриционистичка програма.
Исхрана
Неговото мени се состоело најмногу од протеини и шест мали оброци, во комбинација со протеински суплементи. Еден ден од неговото мени изгледал вака:
- Појадок – јајца (6 белки и 7 жолчки) и 75 г овесна каша со суво грозје;
- Ужина – туна;
- Ручек – 2 парчиња пилешки гради, 100 г интегрален ориз или тестенини со зелен зеленчук;
- Втора ужина (пред тренинг) – протеинска плочка, протеински шејк и банана. После вежбање исто така пиел протеински шејк и јадел една банана;
- Вечера – риба или пилешко на скара, интегрален ориз или тестенини, салата.
Тренинг
Овие вежби ги изведувал секој ден за да влезе во форма за „Боречки клуб“.
Резултатот бил 70 килограми со само 5-6% проценти на телесни масти, што значи блиску до идеалот за чиста мускулна маса кон која се стремат активните вежбачи.
Тежински тренинг: изведувал со 3 сета од 15 повторувања со максимум тежина за најдобри резултати. Неговиот тренинг се состоел од различна група на мускули секој ден, сличен како распоредот на бодибилдерите. Понеделник – гради, вторник – грб, среда – рамена, четврток – бицепс и трицепс, петок и сабота кардио, недела одмор.
Кардио тренинг: кардиоваскуларни вежби вежбал во петок, но само затоа што Пит е слаб без вишок на килограми и неговиот тренер проценил дека му се потребни малку кардио вежби. Како компензација на ова, неговиот тренинг за отпор бил со брзо темпо, со пауза од само 60 секунди помеѓу сетовите.
