Бидејќи има голема улога во процесот на трчање, од неа најчесто страдаат спортистите
Ахиловата тетива предизвикува проблеми на голем број спортисти и може да биде причина за долготрајно опоравување и нивно лишување од спортските активности.
Анатомски карактеристики
Ахиловата тетива (tendo Achillis, tendo calcaneus) е една од најголемите и најсилните тетиви која се наоѓа помеѓу спојот на мускулот на потколеницата со коската на петицата. Поради тоа што има голема улога во процесот на трчање, од неа најчесто страдаат спортистите и рекреативците кои имаат интензивни и напорни тренинзи. Оваа тетива е долга 5-6 сантиметри а дебела 5-6 милиметри.
Најчести видови на повреди и симптоми
Повредите на Ахиловата тетива може да се поделат во две основни групи:
- Воспаление на Ахиловата тетива т.н тендинопатија;
- Кинење на Ахиловата тетива кое може да биде потполно или делумно т.н руптура.
Карактеристично за воспаление на Ахиловата тетива е болка и осетливост која со тек на време се зголемува. Сериозноста на повредата и болката може да се константираат врз основа на неколку различни степени.
- Во првиот степен се јавува вкочанетост и непријатност наутро, кое исчезнува неколку минути по станување. Таквото чувство не се повторува повеќе во текот на денот, а и болката е отсутна за време на вежбање;
- Во вториот степен болката се јавува за време на трчање или вежбање меѓутоа сепак може да се продолжи со активностите. Болката е присутна и по завршување на тренингот;
- Во третиот степен на повреда на Ахиловата тетива се чувствува болка веднаш при станување од кревет, која трае некое време и се јавува и на други места во текот на денот. Присутна е и за време на тренинзите и поради тоа мора да се прекине со активностите;
- Во четвртиот степен на повреда на Ахиловата тетива болката е константно присутна и не престанува во текот на целиот ден.
Кинење на Ахиловата тетива обично настанува поради нагло и претерано движење на стапалото при скок нагоре кое претходно било максимално свртено надолу. Дегенеративните промени на тетивата имаат важна улога во настанување на руптура како и слабата придвиженост на мускулите во областа на потколеницата. Во оној момент кога настанува повредата се чувствува нагла и јака болка, слична на удар со некој тврд предмет во потколеницата. После повредата одот е отежнат, не може да се трча и да се стои на прсти на повредената нога.
Фактори на ризик:
- Интензивна физичка активност на професионални спортисти но и на рекреативци кои нагло почнуваат со тренинг;
- Личности со рамни стапала кај кои нормалниот свод е спуштен;
- Слабо развиени мускули на ногата;
- Згрчени, недоволно истегнати мускули поради недоволно истегнување;
- Несоодветен избор на опрема за трчање и терени за изведување на спортските активности.
Справување со повредата
Доколку станува збор за поблаг воспалителен процес пожелно е да се избегнуваат болни положби, во случај на зголемен оток и поголемо воспаление потребно е да се користат ладни облоги. Од голема помош е примена на масажа, физикална терапија како и истегнување на листот и потколеницата.
Лечењето до престанување на болката може да трае од неколку недели до неколку месеци.
Кинењето на Ахиловата тетива има покомплициран карактер и при тоа е потребен подолг процес на лекување. Се лечи и неоперативно и со оперативен зафат, а по операцијата и имобилизацијата треба да се избегнува стоење на прстите на повредената нога. Враќањето на спортските активности се препорачува од 6 до 9 месеци после оперативен зафат, што секако зависи од тежината на повредата и индивидуалните споосбности на организмот да го излекува повреденото место.
Како превенција од особена важност е да се прават вежби за истегнување за мускулите и тетивите да ја одржуваат својата флексибилност и да бидат во можност да ги апсорбираат физичките сили во различни степени на оптеретување. Ние препорачуваме атлетски чорапи и стегачи со соодветен степен на компресија кои овозможуваат соодветна заштита и стабилизација на тетивите и мускулите, го олеснуваат притисокот и ослободуваат од болки.
Делот околу листот е изработен од подебела плетена конструкција за негова заштита додека пак долниот дел на чорапите го амортизираат шокот и притисокот врз стапалото. Изработени со градуирана компресија за подобра циркулација, меки и удобни препорачливи се за користење во сите рекреативни и спортски активности.
Сите модели на имобилизатори, стегачи и чорапи може да ги добиете во продавницата
„СуперОрто“ која се наоѓа во С.Ц. Борис Трајковски
www.superortho.com.mk
www.facebook.com/superorthomk.com.mk
тел: 02/309-5002
моб: 070/215-994
* комерцијален текст
