Природни лекови за мирен сон
Несоницата е проблем со кој се соочуваме во секојдневниот живот. Брзото темпо на живот, стресот, обврските на работа како и оние дома, работите кои секојдневно ги конзумираме како кафето и цигарите плус некои состојби како повреди или болки, грчеви ради долга физичка активност, обилна исхрана ноќе или избегнување на вечерата, неудобен кревет и други, сите овие фактори доведуваат до вознемиреност а со тоа и несоница.
Ефектите од сите овие се, прозевање, мрзеливост, лошо варење на храната и желудечни тегоби,не можност за концентрација и читање, осеќање замор и при најмал напор, болки во целото тело, летаргија и сл.
За да се одбегне сето ова и да се добие еден поквалитетен сон а со тоа и поквалитетен живот, потребно е да се започне со некоја терапија, која се нуди како хемиски или природни препарати, и некои дневни ритуали кои ќе помогнат за смирување, релаксација и квалитетен сон.
Хемиските препарати заради нивното предизвикување зависност и бројните несакани ефекти, како и потребата на потврда од лекар за нивно користење, во овај случај би се одбегнале, и би се фокусирале на препарати кои се од растително потекло.
Мелатонин секако е прв кој ќе се препорача, хормон кој го скратува времето потребно за заспивање.
Валерианата, земена како чај или преку некој препарат, помага за редуцирање на анксиозноста, подобрување на квалитетот на сон и делува седативно. Бројни клинички студии покажаа подобрување на квалитетот на сон кај пациенти третирани со валериана према оние на плацебо. Исто така помага за намалување на мускулни спазми, како и се верува дека помага за болките за време на менструален циклус. Се препорачува да се земе пола сат пред спиење.
Маточина, исто така земена како чај или преку некој препарат, помага за релаксација, при анксиозност и истотака подобрување на квалитетот на сонот.
Камилица, која не е докажано дека помага за самата несоница,меѓутоа има добар ефект за намалување на тензија во мускулите,стомачни болки и редуцирање на анксиозност, па на тој начин и до подобар сон.
Покрај овие, се препорачува и да се примени некој ритуал за смирување пред спиење, како на пример слушање релаксирачка музика, јога, користење на етерни масла и сл, се до регулирање на сонот, и добивање на квалитетен 8 часовен сон.
М-р фарм. Лидија Николоска Пешталеска
