Кога несоницата е сериозен здравствен проблем?
По безгрижниот детски период и адолесценцијата, полека влегуваме во светот на возрасните и во тој природен дневен циклус, повеќето од нас спијат од 6-8 часа, вообичаено ноќе и без прекини. Ова време на добар сон е нормално и неопходно. Меѓутоа, кога ќе се случи да имаме ноќи со лош сон кои ќе продолжат подолг период, несоницата станува сериозен проблем.
Инсомнијата денес се гледа како еден од модерните здравствени проблеми што се јавува како последица на брзиот живот и постојаниот притисок од работата, семејството, обидот сето тоа да го балансираме, а во исто време и да најдеме време и за себе. Со несоница во текот на една година се соочува 1 од 3 лица, почесто жени отколку мажи.
Несоницата- повремен проблем или сериозно пореметување?
Нарушувањето во спиењето можеме да го опишеме врз основа на времето на траење и тежината, тоа може да биде појава која се јавува како последица на стрес или во полош случај, алармантно нарушување со тешки последици.
Минливата несоница најчесто се поврзува со привремени пречки во вообичаениот начин на спиење, предизвикани од честите патувања или менувањето на местото на живеење. Овие немирни ноќи обично траат само неколку дена. Краткотрајната несоница, поврзана со стресот или загриженоста исчезнува тогаш кога ќе се соочиме со вистинскиот проблем.
За разлика од овие два вида, хроничната несоница претставува посложено нарушување со можни тешки последици, најчесто имунолошки. Кога немаме мирен сон подолго време, телесното производство на клетките-убијци, кои се важен дел од нашиот имунолошки систем се намалува и влијае на нашиот природен одбрамбен систем.
Несоницата може да биде предизвикана од физичка болест, стресен начин на живот, хронична болка или последица на лошите навики во спиењето. Депресијата, анксиозноста, шизофренијата или некои други психијатриски нарушувања, исто така, можат да бидат причина за несоница.
Како лек за несоницата можеме да го искористиме здравиот начин на живот, проследен со здрава исхрана и редовна физичка активност. Нарушувањето во спиењето можеме да го победиме и со помош на алтернативната медицина. Смирувачко дејство можеме да постигнеме со ароматерапија. Маслото од камилица, лаванда, роза или неролија може да помогне во враќањето на добриот сон.
Лекувањето со лековити билки е исто така многу моќна терапија против инсомнијата. Природните препарати на база на мелатонин, камилица, валеријана, маточина, придонесуваат за квалитетот на сонот.
Мелатонинот се користи како еден од природните суплементи во третманот на несоницата. Овој хормон кој природно го имаме во нашето тело, функционира на тој начин што ја намалува телесната температура и предизвикува заспивање. Суплементите со мелатонин на природна база најмногу помагаат во смирување и квалитетен сон. Капсулите Dormirin, исто така, го подобруваат расположението, конгитивните способности и меморијата. Капсулите Dormirin можат да се користат кај сите возрасни групи без опасност од навикнување.
Кога да консултираме лекар?
Многу е важно да посветите внимание на неколку индикатори кои се сигурен сигнал дека треба да се обратиме на лекар:
- Ако имате несоница повеќе од еден месец. Во овој случај можеби ќе треба да се побара и специјалист за нарушување во спиењето за да ги следи обележјата на спиењето и да ги тестира физичките тегоби кои може да предизвикаат несоница;
- Ако несоницата е сврзана со одредена промена во животот како губење на работа или сакана личност
- Ако претходниот лек за спиење не дејствува или лекот го земате повеќе од три ноќи без никаков успех;
- Ако ви се чини дека никогаш не успевате доволно да се наспиете и одненадеж заспиете во текот на денот.
