gubenje-na-tezhinata-posle-45-godini-kaj-zhenite_image
Споделете со пријателите!

Промени во начинот на живот кои можат да помогнат при олеснувањето на симптомите на менопауза и задржување на нормална и здрава телесна тежина
„Со хормоналните промени по 45 година, телото на жените се реорганизира во однос на неговото функционирање.“
Со оглед на хормоналните промени кои се јавуваат после 45-тата година, телото на жените се реорганизира во однос на неговото функционирање. Почетокот на менопаузата е строго индивидуален. Најчесто настапува меѓу 45 и 55-годишна возраст, но има и жени кои влегуваат во менопауза во 30-тите или 60-тите години од животот. Се смета дека просечната возраст на која жените стапуваат во менопауза е 51 година.Овој период го означува и крајот на репродуктивниот период и е резултат на намаленото лачење на женски хормони (естроген и прогестерон) од јајниците. Од друга страна естрогените се хормони од кои зависат пропорциите на женската фигура. За да се компензира дефицитот на хормоните, телото почнува да ги користи естрогените акумулирани до тој момент. Бидејќи нагли промени во овој период може да го нарушат ендокриниот баланс, жените по 45-годишна возраст треба да се воздржат од ригорозни диети . Многу по разумно е да се задржи вообичаената тежина стабилна, во спротивно постои ризик од неконтролирано зголемување на телесната тежина.

Совети и предупредувања:

Заборавете на сурови диети со драстична рестрикција на калории и уште помалку е полезно гладување. Наместо тоа, можете да направите еден ден неделно во кој ќе го смените вообичаениот режим на исхрана. За целта сварете половина килограм ориз во солена вода и консумирајте го заедно со црно суво грозје и суви кајсии. Можете исто така да направите урда (600 – 800 грама) и 2 чаши суво грозје. Овие производи се корисни за срцето. Намаленото ниво на естроген го зголемува ризикот од срцеви болести и остеопороза (кршливи коски). Во оваа фаза од животот, жените треба особено да внимаваат на исхраната и да останат физички активни.

Појадокот и вечерата инсистирајте да се состојат од течни храни и супи.

Покрај тоа, фокусирајте се на консумирање на модар патлиџан, тиквички и јаболка, бидејќи тие го помагаатнамалувањето на нивото на холестерол. Ова го намалува ризикот од развој на болести поврзани со возраста: дијабетес, атеросклероза, дебелината која е дел од оваа фаза во животот на жената. Зголемето го бројот на оброци, а намалете ја нивната количина. Заменете го црниот чај со зелен; Помалку јадете компири; Пијте повеќе чиста вода. Минималниот дневен износ е 1,5 литри; Задолжително внимавајте со консумацијата на масти (нека биде умерена и воопшто не консумирајте производи кои содржат транс масти). Најчеста заблуда е дека треба комплетно лишување од производи кои ги содржат, стравувајќи од дебелина. Мастите ја навлажнуваат кожата која е важна во оваа возраст за да се зачува младиот изглед на кожата и телото. Обрнете внимание на незаситени масти содржани во маслиново масло и ореви, маслинки, авокадо, риба; Не подлегнувајте на нервозни состојби. Почетокот на менопаузата често доведува до влошување на расположението. Научете како да ги контролирате вашите чувства и да не барате утеха во содржината на фрижидерот.После 45 тата години, сензациите за вкус може да станат поразлични. Не ја зголемувајте количината на сол за да ја направите храната поубава. Подобро користете сок од лимон или билки кои ќе го корегираат вкусот на храната; Во вашето мени вклучете нискокалорични млечни производи, не помалку од три вида на ден. Тие нема да ве наполнат со дополнителни калории и ќе го зајакнат коскеното ткиво; Практикувајте – брзо одење (минимум 45 минути на ден) и вежбање со тегови (30 минути 2 пати неделно)

Избегнувајте кафе, алкохол и зачинета храна. Јадете соја, sојата содржи естроген.

Внесувајте многу калциум и витамин Д. Независно дали ќе ги внесувате преку исхраната или преку таблети, тоа ќе ви помогне да го намалите ризикот од остеопороза. Препорачаната дневна доза на калциум за жени над 51 година е околу 1.200mg, а на витамин Д околу 600IU.

Прочитајте:  Менопауза – неизбежен стадиум од животот на секоја жена

Сите овие промени во начинот на живот можат да помогнат при олеснувањето на симптомите и задржување на нормална и здрава телесна тежина .


Споделете со пријателите!