Брокулата е еден од неверојатно хранливите зеленчуци, но начинот на кој најчесто ја приготвуваме е можеби погрешен
Брокулата треба да биде често присутна на нашите трпези поради хранливите материи кои ги содржи. Но, многумина ќе се согласат дека кога станува збор за начинот на приготвување, честопати правиме грешка. Ја користиме врелата вода за подготовка на брокулата, но со ова голем дел од витамините во брокулата кои се раствораат во вода всушност се губат. И што е уште поважно, се докажало дека врелата вода ја намалува хранливата вредност на брокулата и во однос на апсорпцијата на т.н. глукозинолати во нашиот организам.
За што всушност станува збор?
Брокулата содржи глукозинолати кои се особено важни затоа што го намалуваат ризикот од појава на рак на белите дробови и на дебелото црево. Научниците направиле едно истражување така што го споредиле нивото на глукозинолати во телото на луѓе кои јаделе брокула наспроти луѓето кои зеле екстракт од брокула како додаток во исхраната.
Резултатите покажале дека луѓето кои зеле екстракт имале за осум пати помала количина на глукозинолати во организмот наспроти луѓето кои јаделе брокула.
Всушност, се открило дека брокулата содржи ензим кој е особено важен за апсорпцијата на глукозинолатите во нашето тело. Екстрактот од брокула не содржи ваков ензим и поради тоа, во тие случаи телото апсорбира помала количина на глукозинолати. Врелата вода може сериозно да ја намали количината на ваквиот ензим во брокулата. Доколку ја подготвуваме брокулата на овој начин ризикуваме да изгубиме голем дел од хранливите материи , а и од вкусот.
Па поради тоа, најсоодветното решение за подготовка на брокула би било готвењето на пареа. Според научниците, готвењето на пареа би овозможило поголема апсорпција на глукозинолатите во нашето тело и би ја зачувало хранливата вредност на брокулата. Околу пет минути на пареа би биле доволни за да се подготви брокулата. Врелата вода би ја уништила не само нејзината хранлива вредност туку и вкусот. Препорачливо е брокулата да се вклучи во нашата редовна исхрана.
Неколку здравствени факти за брокулата:
- го намалува холестеролот;
- брокулата делува анти-воспалително врз организмот;
- одлична е за детоксикација на организмот;
- содржи витамин А и витамин К, чија комбинација е одлична за луѓето кои се соочуваат со недостиг на витамин Д;
- содржи витамин Ц, калиум, витамин Б6, растителни влакна, итн.
Прочитајте повеќе за брокулата и редовно користете го богатството на хранливи материи што го поседува.
