Нема потреба да се откажеш од храната што ја сакаш, само барај промена на твоите секојдневни навики и начин како тие да ги направиш поздрави!
Со доаѓањето на зимата, ни доаѓа и мисла како оваа година успешно да се избегнат вишокот килограми. Добивањето на некој килограм повеќе во текот на зимата е честа и „нормална“ појава и се јавува кај речиси секој во текот на зимските месеци, особено во периодите за време на Новогодишните и Божиќните празници. Факт е дека во текот на зимата со помалку свежа храна на располагање, можеме лесно да паднеме во искушение и да посегнеме по нездрава и мрсна храна. Значи, луѓето се обидуваат да консумираат храна со висока содржина на маснотии, но ова ги води само кон добивање на тежина. Постојат 2 вида на масно ткиво – бело и кафеаво масно ткиво. Вишокот калории од масти се складираат како бело масно ткиво. Кога консумираме храна богата со премногу калории, телото ги претвора во енергетски резерви во форма на бела маст. Лицето кое има прекумерна тежина има пропорционално помалку кафеаво масно ткиво отколку лице кое не е со прекумерна тежина.
Клучот лежи во превенцијата.
Еден од главните причини за добивање на тежина во текот на зимата е дека во зимскиот период сме помалку физички активни и помалку се движиме. Тоа, во комбинација со зголемен внес на потешка храна го објаснува трендот на зголемување на телесната тежина.
Одржувањето на вашиот редовен распоред за вежбање е од клучно значење. Ако не можете да се одвлечете од кревет за раните утрински вежби, преместете ги попладне или навечер, но не ги прескокнувајте. Пронајдете активност во која најмногу ќе уживате и не заборавајте да останете хидрирани.
Важно е да не се прескокнуваат и оброците, бидејќи самото тоа ќе доведе полесно до познатиот „јојо“ ефект. Познатата изрека вели „Појадувај како крал, ручај како цар и вечерај како сиромав“. Одличен начин да се започне денот е овесната каша, еден сосема квалитетен појадок во комбинација со бадеми, чиа и ленено семе.
Подобро е да јадете редовно и повеќе пати на ден помалку отколку да имате еден или два обилни оброка дневно.
Имајте редовни ужинки во текот на денот, одлучете се за поздрава варијанта вклучувајќи грст јаткасти плодови и сушено овошје со кои ќе си помогнете себеси а и на вашиот организам одржувајќи го оптималното ниво на шеќер во крв.
Не се прејадувајте!
Секогаш е подобро да се детоксицирате, особено после обилен оброк. Тоа ќе ви помогне во чистење на телото од несаканите вишок масти и ќе ви овозможи подобро да ја одржите вашата линија. За да се избегне зголемувањето на телесната тежина, препорачливо е да пиете многу вода и во вашата исхрана да бидат вклучени голем дел од палетата на зеленчук со висок процент на вода.
Обидете се да јадете храна богата со растителни влакна, наместо да јадете храна богата со масти. Храна што содржи растителни влакна, особено растворливи растителни влакна ќе ви помогне во слабеењето и задржување на вашата витка линија.
Бидете упорни, а резултатите ќе станат видливи за краток временски период!
