Безбедноста на естетското продолжување трепки [ВИДЕО]

Иритациите кои може да се појават од екстензиите за трепки предизвикани од самите екстензии или од лепилото, предизвикуваат чешање, а со тоа и потенцијална опасност од искорнување на вистинските трепки

Очите се огледало на душата, па за да бидеме во состојба тоа да го нагласиме, луѓето измислуваат козметички и естетски третмани, кои можат со себе да носат и здравствени ризици кои се пречка за добрата здравствена состојба на очите. Додека салоните за убавина имаат сè повеќе клиентки кои сакаат да ги продолжат своите трепки, некои експерти предупредуваат дека продолжувањето на трепките со себе носи потенцијални сериозни здравствени ризици. Екстензиите за трепки се нанесуваат со помош на лепење на синтетички влакна едно по едно на природните трепки. Овој јапонски тренд се здоби со огромна популарност последниве неколку години.

Цената на „убавината“ може да Ве чини здравје

Некои лепила на пример содржат формалдехид – Formaldehyde, кој може да предизвика алергиски реакции. „Производите наменети за лепење на трепките кога ќе дојдат во контакт со горниот дел од окото, наречен корнеа, може да предизвикаат проблеми и појава на лузни, воспаленост и други долготрајни оштетувања“ – изјави Д-р Ејми Жанг – Amy Zhang офталмолог при Универзитетските болници во Кливленд – University Hospitals Case Medical Center in Cleveland.

Растворувачите користени за отстранување на екстензиите, исто така можат да предизвикаат алергиски реакции. Искуството покажува дека вештачките прoдолжетоци на трепките може да предизвикаат иритации на конјуктивите – конјуктивитис или пак, иритации на корнеата – кератитис.

Друга опасност од екстензиите на трепките е можноста на нив да се развиваат бактерии, што доведува до бактериски и габични инфекции. Исто така, постои опасноста вистинските трепки да испаднат или почесто да се случува да се откорнуваат, доколку овој третман се повторува често. „Доколку на фоликулите на влакната им се нанесува константен притисок и влечење, тоа причинува фоликулите на трепките да не растат“ – вели Д-р Џанг.

[interaction id=”55e581081cec712a2e4dad1e”]

Колеџот на оптичарите во Англија – College of Optometrists in England предупреди дека – „Повторувањето на третманот за продолжување трепки може да предизвика состојба која на англиски се нарекува Traction alopecia кога влакната испаѓаат поради преголем притисок. Како резултат на тоа може да се оштети фоликулата на влакната која може да го забави растот или пак, целосно да го запре растот на трепките“.

Следна потенцијална опасност се условите во кои се нанесуваат вештачките трепки. Експертите препорачуваат да се оди во салони коишто ги почитуваат правилата на хигиената и да се користи лепило без формалдехид.

Правилната нега на продолжените трепки е исто така многу важна.

„Круцијално е чистењето на екстензиите и пределот на очите“ – вели Пол Бајн – Paul Byun, сопственик на салонот Lash Forever во Њујорк – „Многу од клиентите не сакаат да ги допираат нивните продолжени трепки, бидејќи сакаат истите да траат подолго“.

Дали привремените вештачки трепки се безбедни?

Дури и привремените екстензии за трепки може да предизвикаат низа проблеми. Отстранувајќи ги овие вештачки продолжетоци може ненамерно да откорнете многу од вашите природни трепки клои случајно се залепиле и може да се појават истите проблеми и иритации како и кај долготрајните екстензии.