Студијата на специјалисти покажува дека дури и во релативно ниски концентрации соединението може да ги оштети клетките и на крајот да ги убие.
Широко употребувана вештачка аминокиселина, која е инкорпорирана во додатоците за бодибилдинг, е поврзана со невродегенеративни болести. Станува збор за таканаречениот L-norvalin, кој е познат како соединение кое го стимулира и зајакнува вежбањето и помага при обновувањето. Истражувачите на Технолошкиот универзитет во Сиднеј веруваат дека L-norvalin може да предизвика оштетување на мозочните клетки. Студијата на специјалисти покажува дека дури и во релативно ниски концентрации соединението може да ги оштети клетките и на крајот да ги убие. Протеините во нашата исхрана содржат амино киселини кои се ослободуваат во цревата, а потоа се користат од нашето тело за нови протеини.
L-norvalin е една од стотиците амино киселини кои вообичаено не се користат за производство на протеини кај луѓето.
Во последниве години, популарноста на додатоците во исхраната за зголемување на телесната тежина и мускулите е зголемена. Но, многу од нив содржат многу необични амино киселини кои можат да предизвикаат штета. Водечкиот автор на студијата, Кејт Самарџич, коментира дека најголемата потрошувачка на амино киселини е меѓу спортистите и бодибилдерите. „Барањата за протеини се поголеми, а побарувачката за амино киселини во адитиви се шири, но покрај нормалното, се додаваат и други `не-протеини`“, додава Самарџиќ. Ова е прва студија за испитување на токсичноста на L-norvalin во човечките клетки, а особено нејзиниот ефект врз мозочните клетки. Научниците се фокусирале на негова анализа заради неговите антимикробни и хербицидни активности и неговата способност да имитира протеински амино киселини. Иако соединението првично може да им овозможи на клетките да произведат поголема енергија, по некое време дел од ќелијата што ја генерира оваа енергија е оштетена. Професионалци велат дека луѓето ги прифаќаат ваквите додатоци без навистина да знаат кои се долгорочните ефекти.
