zoshto-treba-da-jadete-jajca_image
Споделете со пријателите!

Многу студии покажуваат дека холестеролот содржан во јајцата не влијае негативно на нивото на холестерол во крвта.
До неодамна јајцата се сметаа за нездрава храна и се стекнаа со лоша репутација заради холестеролот којшто го содржат. Едно јајце со средна големина содржи 186 мг холестерол што претставува 62 отсто од препорачаната дневна доза. Сепак, многу студии покажуваат дека холестеролот содржан во јајцата не влијае негативно на нивото на холестерол во крвта. Оттука, ако досега сте ги избегнувале јајцата во продолжение се пет причини зошто да ги вратите на вашето мени.

Јајцата се еден од најевтините извори на протеини

Без разлика дали станува збор за обични или органски, јајцата се сметаат за најекономичниот извор на протеини. Обичното јајце содржи околу 6 гр висококвалитетни протеини, што значи дека, исто како и месото, може да ве снабди со сите аминокиселини коишто треба да ги добиете од храната. Протеинот, исто така, се смета дека е најзадоволувачки од сите хранливи материи.

Јајцата заситуваат и го одложуваат гладот

Неколку студии укажуваат дека појадокот којшто содржи јајца го одложува гладот за ​​подолго време од појадоците што содржат житарки. Во едно истражување спроведено на две групи на мажи, се открива дека онаа група којашто јадела јајца во утринските часови била позадоволна, имала пониски циркулирачки нивоа на хормоните на глад и помалку јадела понатаму во текот на денот.

Јајцата го одржуваат здравјето на очите

Жолчката на јајцето е богата со лутеин – жолт пигмент којшто се акумулира во мрежницата на окото. Лутеинот помага во заштитата на очите од макуларна дегенерација, водечка причина за губење на видот.

Прочитајте:  Темното чоколадо го намалува стресот и ја подобрува меморијата

Исто така, ги заштитува очите од зрачење и од оштетување од сината светлина којашто секојдневно се емитува од технолошките уреди како телефоните, таблетите и компјутерите. Иако истражувањета околу сината светлина се сè уште малку и недоволни, некои истражувачи се загрижени дека таа може да придонесе за зголемување на ризикот за заболување од рак, здобивање со прекумерна тежина и заболување на очите.

Јајцата не предизвикуваат затнување на артериите

Со децении се сметаше дека јајцата се виновни за покачување на холестеролот и зголемување на ризикот од срцеви заболувања. Новите научни трудови и истражувања откриваат дека всушност холестеролот од храната како јајца и школки не е опасен како што се сметаше до неодамна.

Јајцата помагаат за задржување на мускулната маса

Губењето на мускулната маса е природен биолошки процес којшто се одвива со текот на стареењето. Како што старееме процесот на губењето на мускулната маса предизвикува чувство на слабост и изнемоштеност, помала издржливост и зголемен ризик од падови.

Редовното практикување на било каква физичка активност помага во задржување на мускулната маса, но добивањето доволно протеини е исто така клучно во процесот. Јајцата се еден пример за храна којашто содржи висококвалитетни протеини кои помагаат за регенерацијата на мускулите по вежбањето.


Споделете со пријателите!