ambivalentnost-da-sakash-dve-sprotivni-raboti-1-del_image
Споделете со пријателите!

На секој од нас му е јасно дека мора да се мобилизира кога треба и да го направи првиот чекор. Но, во која насока?
На секој од нас му е јасно дека мора да се мобилизира кога треба и да го направи првиот чекор. Но, во која насока?

Замислете ситуација: Нашиот пријател е тажен. Тој продолжува да го губи својот круг на пријатели. Тие му недостасуваат. Но зошто секогаш го оставаат?

Всушност тие не го прават тоа, тој го прави. Тој е амбициозен, се искачува чекор по чекор нагоре во неговиот професионален живот и напредува со темпо што не е вообичаено за повеќето луѓе. Во исто време правејќи го ова, тој бара начини да го збогати својот социјален живот. Очигледно, тој сака да се промени, но и да ги задржи работите такви како што се.

Изборите што ги правиме

Често ни се случува да сакаме две спротивни работи. Секој од нас се соочил барем со една од следниве ситуации:

  • Ние ја сакаме слободата што ја дава хонорарната работа, но и стабилните приходи што ги обезбедува постојаното вработување.
  • Сакаме да имаме слобода да го кажеме она што го мислиме и сепак да не сакаат сите околу нас.
  • Сакаме да напишеме или генерираме иновативни и непознати работи, но и да бидеме популарни и прифатени исто колку сите оние работи што се веќе видени и секојдневно кружат околу нас.
  • За да се чувствуваме безбедно, бараме романтичен партнер кој ќе има голема потреба од нас. Во исто време, сепак, сонуваме за еднаквост и слобода во односите.
  • Сакаме нашата врска да биде исполнета со необични и моменти кои ќе ни го одземат здивот, но исто така сакаме да се чувствуваме сигурно.
  • Ние сакаме огромна слобода за нас, но од партнерот бараме да биде стабилен и посветен. Многу често, пред да сфатиме дека ние сме тие кои имаат премногу спротивставени очекувања за нашиот романтичен партнер, мислиме дека само бараме компатибилност. Во моментот кога ќе сфатиме дека нашите критериуми за тоа се премногу противречни, станува јасно дека некомпатибилноста е во нас. Не може да очекуваме некогаш да сретнеме некој што може да ги исполни нашите спротивни барања. Тоа е исто како да бараме да се движиме во круг во патека која има форма на триаголник.
Прочитајте:  УВ зрачење - сè што е потребно да знаете за да се заштитите

Секој од нас се нашол под социјален притисок што го наведува да се однесува на одреден начин и да размислува во една насока особено кога треба да се постигнат некакви цели.

Доследноста е онаа која ја заработува довербата на луѓето. Тие знаат што сакаме и како да комуницираат со нас. Целта, кој има само една насока, се прифаќа како социјална норма.

Поради оваа причина, ја ставаме маската на добра и примерна, личност која има само едно лице.

Всушност, повторно имаме конфликт помеѓу две мислења, две позиции и две перспективи – го мразиме тоа што ни треба истовремено, и го сакаме тоа што го негираме.

Кога сакаме да ги решиме нашите спротивни мисли ставови и чувства, обично избираме еден од нив и ги проектираме на лицето со кое разговараме.

Дали некогаш ваш познаник го опишал негативно својот поранешен партнер обидувајќи се да го задржи пријателството со него, дури и да има сексуални односи откако официјално завршила нивната врска? Во такви случаи, се чини дека е најразумно да се пристапи неутрално и едноставно да се слуша. На крајот на краиштата, сепак станува збор за наш пријател. Честопати интимноста има штетен ефект врз нас, бидејќи го извлекува најлошото од нас. Истата личност која барала совет од горниот пример би ве нападнала набргу после моментот во кој вие индиректно сте завзеле страна на неговиот поранешен партнер, иако тој самиот се заземал за тоа во претходен разговор. Контрадикција после контрадикција. Сите горенаведени примери многу добро го објаснуваат поимот за амбивалентност. Повеќе за амбивалентност наредната недела во вториот дел.


Споделете со пријателите!