adjibadem-sistina_image
Споделете со пријателите!

„Аџибадем Систина“ набави 15.000 тестови за детекција на Ковид-19, капацитетот е до 300 тестови дневно по цена од 1.200 денари
„Клиничката болница „Аџибадем Систина“ започнува со тестирање за детекција на (Ковид-19).“
Тестирањето се врши единствено со претходно закажување термин преку телефонскиот број 02/3099500, достапен 24/7.  Пациентите кои немаат закажано термин за тестирање нема да бидат примени за земање примерок. Пациентите кои ќе дојдат на тестирање треба да носат заштитна маска.

Тестот кој се користи е високопрецизен брз хроматографски тест за детекција на IgG и IgM антителата кои се создаваат од коронавирусот (COVID-19). Комбинираната употреба на IgG и IgM тестот може ефикасно да детектира присуство на вирусната инфекција или претходен контакт со вирусната инфекција преку имунолошкиот статус на телото.
klinichkata-bolnica-adjibadem-sistina-zapochnuva-testiranje-za-detekcija-na-koronavirusot-kovid-19_image

Овој тест, како нов производ на пазарот, сега се користи речиси во сите болници во Велика Британија, САД, Полска, Србија, Турција, Италија и други земји зафатени од пандемијата на коронавирусот. Научниците го тестирале првично во градот Вухан, во Институтот за вируси во Кина, каде што се потврдил  како еден од најефикасните  и најбрзи методи за детекција на коронавирусот.

Тестирањето е преку земање примерок од крв, а процедурата на тестирање не трае подолго од 10 минути. Примероците за тестирање на Ковид-19 се земаат во специјален пункт што е целосно одделен од останатиот дел од болницата со цел максимална безбедност и заштита.

Аџибадем Систина“ има капацитети за вршење на 300 тестови дневно, а моментално има набавено иницијална количина од 15.000 тестови. Цената на тестирање изнесува 1.200 денари.

Работното време на пунктот за тестирање е од 8:00 до 15:00 часот секој работен ден во неделата вклучувајќи ги и викендите.

Резултатите од тестот се брзи, ефикасни и прецизни со точност  повеќе од 92.9%  и истите се добиваат два часа по тестирањето на претходно доставената е-маил адреса.

Прочитајте:  Екстра чајанка

Споделете со пријателите!