Сите знаеме дека месото доколку е оставено премногу долго од кога сме го зготвиле треба да го исфрлиме. Но, дали тоа е така со друга храна односно со ориз или тестенини?
Сите знаеме дека ако месото е оставено премногу долго од кога сме го зготвиле треба да го исфрлиме. Но, дали тоа е така со друга храна односно со ориз или тестенини? Иако овие јаглехидрати може да изгледаат безопасно кога ги оставаме да престојат за следниот ден, веројатно ќе размислиме два пати за нивната безопасност откако ќе слушнеме за бактеријата Bacillus cereus. Тоа е бактерија која среќно ќе живее во – почвата, храната или во стомакот. Животните навики на оваа бактерија варираат во зависност од условите во кои ќе живее, објаснува научник и биотехнолог Anukriti Mathur од Австралискиот Национален Универзитет. Репродукцијата на бактериите од овој род се одвива со тоа што се користат хранливи материи од прехрамбените производи вклучувајќи ориз, млечни производи, зачини, сушени овошни продукти и зеленчук. Некој соеви од оваа бактерија се корисни за продукција на пробиотици, но некој од онив може да доведат дури и до труење со храна доколку таа се чува во услови кои не одговаараат. Најлошото сценарио дури може да значи и смрт.
Во 2005 година, еден таков случај бил забележан во Journal of Clinical Microbiology – при што пет деца во едно семејство се разболеле заради консумирање на четири-дневна салата од тестенини. Според студијата за случајот, салата од тестенини била подготвена во петок, однесена на пикник во саботата. По враќањето од пикникот се чувала во фрижидер до понеделник вечер, кога децата биле нахранети за вечера. Таа ноќ децата почнале да повраќаат и биле однесени во болница. Трагично, за најмладото дете исходот бил летален, другото завршило со црнодробна инсуфициенција, но преживеало, а другите имале потешко труење со храна за кое биле третирани. B.cereus е добро позната причина за болест што се пренесува преку храна, но инфекцијата со овој организам не е често пријавена поради своите обично благи симптоми, објаснуваат истражувачите.
Фаталниот случај поради откажување на црниот дроб по опишувањето на консумација на салата од тестенини ја покажува можната сериозност. Додека вакви смртни случаи се екстремно ретки, тие се забележани во литературата повеќе од еднаш. Во вестите беше актуелизиран случај за труење со тестенини на еден 20 годишен студент од Белгија од 2011 година. Судбоносната пригода била неговото приготвување на шпагети однапред за цела недела при што четвртиот ден од приготвувањето биле за кратко оставени надвор од фрижидер, при што следело интоксикација, пролив повраќање и летален исход. После познати вакви случки пред да се добие страв од консумација на тестенини и ориз, треба да се истакне дека повеќето од случаите со труње од овој причинител се благи и без некој тешки последици. Важно е да се знае како B.cereus води до вакви фатални последици и дали може да се направи нешто во врска со тоа. Механизмот преку кој делува се токсините кои ги секретира, и при тоа тие се термостабилни на вообичаена температура што може да ја испорача микробранова печка која најчесто се користи за подгревање на храната. На пример, еден од токсините кои предизвикуваат повраќање кај луѓето (наречен еметичен токсин), може да издржи 121°C – 90 минути. И тоа не е единствениот отров што ќе го најдете во арсеналот на оваа бактерија. Нашиот имунолошки систем препознава и друг токсин [хемолизин БЛ] секретиран од B. cereus, што доведува до инфламаторен одговор.
Најважно е храната да се чува во фрижидерот и да се практикува добра хигиена во кујната!
Заклучокот кој се очекува да се добие од студиите е како да се блокира активноста на токсинот или да се намали воспалението предизвикано од него. Иако истражувањето се уште е во раните фази, тимот се надева дека овие техники би можеле да се користат дури и во други бактерии кои произведуваат токсини, како што е E. coli. Независно од се најважно е храната да се чува во фрижидерот и да се практикува добра хигиена во кујната, да не се загрева неколку кратно во тек на неколку дена и никако да не се заборава без да се чува на адекватна температура особено ако станува збор за тестенини или ориз.
