zdravstveni-pridobivki-od-zachinite_image
Споделете со пријателите!

Додавањето на билките и зачините во храната е корисно бидејќи може да ја намали желбата за додавање на помалку здравите зачини како што се солта и шеќерот.
„Билките и зачините ја прават храната повкусна и влијаат добро на нашето здравје. Поради тоа, готвењето храна со билки и зачини треба почесто да се практикува“, вели Моника Морено, диететичар на Универзитетот во Мајами.

Зачините може да се користат во храната како цели билки (магдонос) или растенија (лук) или во форма на прав (цимет) којшто обично се добива со мелење на семето, плодот, кората или коренот на дрвото или растението. Зачините се користат за подобрување на вкусот на храната, но истражувањата покажуваат дека тие изобилуваат со здрави состојки коишто во одредени количини може да помогнат за одржување на доброто здравје.

Сите билки и растенија се борат со воспаленијата и го намалуваат оштетувањето на клетките на телото. Тоа е затоа што се богати со фитохемикалии, коишто се здрави растителни хемикалии.

„Додавањето на билките и зачините во храната е корисно бидејќи може да ја намали желбата за додавање на помалку здравите зачини како што се солта и шеќерот“, вели Адриен Вадим, професор по медицина на Универзитетот за медицина на Давид Гефен.

Некои билки и зачини коишто, освен што имаат здравствени придобивки, се и вкусен додаток во исхрана се:

Кардамон

Кардамонот има особено високо количество на минерали како магнезиум и цинк. Овој слатко-лут зачин којшто е познат дека го смирува вознемирениот стомак. Некои студии докажале дека, исто така, може да помогне во борбата против воспалението и во намалувањето на крвниот притисок, како и дека игра улога во спречувањето на растот на канцерогените клетки.

Чили пиперки

Свежи, сушени или во прав, чили пиперките може да го подобрат метаболизам и да помогнат во одржувањето на здравјето на крвните садови. Состојката со којашто изобилуваат – капсаицин, всушност им ја дава лутината на чили пиперките и делува позитивно на човековиот организам.

Цимет

Циметот е сладок зачин со пријатен мирис којшто не содржи шеќер и има многу ниско ниво на калории. Овој зачин којшто се добива со мелење на кората на циметовото дрво може да се додаде во многу јадења и пијалаци, вклучувајќи ги и кафето, чајот и црвеното вино. Некои студии покажуваат дека циметот може да помогне во намалувањето на некои воспалениеја и да се бори против бактериите.

Прочитајте:  Оревот личи на мозок а морковот на око

Какао

Главната состојка на чоколадото, какаото е зачин со којшто содржи големо количество на флавоноиди – антиоксиданти кои помагаат за одржувањето на здравјето на срцето со тоа што играат улога во намалувањето на холестеролот и крвниот притисок.

Кумин

zdravstveni-pridobivki-od-zachinite_image1Куминот е зачин којшто е богат со железо и којшто е познат како клучна состојка во многу индиски јадења. Едно истражување кое вклучило 88 жени со прекумерна тежина покажало дека оние коишто дневно јаделе малку помалку од една лажичка кумин, додека биле на нискокалорична исхрана, загубиле повеќе телесни масти и тежина отколку оние коишто биле на истата диета, но не додале кумин во исхраната.

Лук

Ова растение го содржи моќното соединение наречено алицин. Некои студии покажуваат дека може да ги намали шансите за добивање на срцеви заболувања и дека може да помогне да се спречи растот на канцерогените клетки. Други истражувања, исто така, го спомнуваат позитивниот ефект на лукот на здравјето, односно дека редовното јадење лук може да помогне во намалувањето на високиот холестерол и високиот крвен притисок.

Ѓумбир

Ѓумбирот има смирувачки ефект врз дигестивниот систем и може да го намали гадењето и нагонот за повраќање. Ова растение има антивоспалителни и антиоксидантни својства и може да игра улога во спречувањето на болести како ракот.

Рузмарин

Рузмаринот е билка којашто е богата со антиоксиданти кои го спречуваат оштетувањето на клетките. Една студија покажала и дека едно од соединенијата на рузмаринот, наречено 1,8-цинеол, може да ја зголеми активноста на мозокот.

Куркума

Куркумата е добар извор на куркумин, антиоксиданс кој го олеснува воспалението. Истражувањата покажуваат дека куркуминот може да помогне во намалување на болката и намалување на ризикот за срцев удар.


Споделете со пријателите!