Правила за добар сон сепак постојат
Емпириски е докажано дека здравиот сон е најважниот фактор за животна долговечност, дури и повлијателен од исхраната, вежбањето или генетското наследство. А сепак, многумина од нас не обрнуваат внимание на тој факт и не внимаваат на тоа кога си легнуваат, спијат неуредно, се будат среде ноќ и стануваат уморни.
Стотици илјади луѓе ширум светот се соочуваат со многу здравствени проблеми како последица на недијагностицирани и нелекувани проблеми со спиењето. Не толку драматична како медицинската, но подеднакво загрижувачка реалност е и фактот што околу нас постојат луѓе кои секојдневно се уморни и исцрпени поради тоа што не знаат како да го решат проблемот со спиењето.
Многу луѓе можат да си ги подобрат животите, кога би знаеле само неколку од основните начела на здравото спиење.
Токму затоа ви откриваме неколку препораки и совети за тоа како да спиете подобро и како да го одржите сонот квалитетен. Потребни се неколоку минимални промени во навиките. Здравото спиење може да се научи!
Што треба да практикувате?
- Настојувајте секој ден да си легнувате во исто време. На тој начин го тренирате вашето тело секогаш во исто време да биде спремно за спиење;
- Извршете една мирна активност секој ден пред да си легнете, на пример напијте се чај, читајте книга или слушајте релаксирачка музика;
- Одете на вечерна прошетка на отворено, на тој начин ќе си обебзедите здрав физички замор;
- Проветрете ја собата пред спиење, затемнете ја, обезбедете тишина и ладна температура;
- Истуширајте се со топла вода пред спиење;
- Медитирајте пред спиење, на тој начин ќе го ослободите умот.
Што треба да избегнувате?
- Премногу топла спална соба е контрапродуктивна за сонот;
- Не практикувајте физичка активност и вежбање пред спиење, затоа што дури и наједноставните вежби може ве одржат будни во следните неколку часа;
- Непосредно пред спиењето, особено после вечерата избегнувајте кока кола, чоколади, и напитоци кои содржат висок процент на кофеин;
- Храната и течностите треба да ги консумирате три до четири часа пред спиење, затоа што оброците кои се внесуваат пред спиење му пречат на организмот;
- Исклучете го телевизорот на време, барем еден час пред спиење.
Сонот е значаен и за телесното и за духовното здравје. Затоа, никогаш повеќе не го игнорирајте сознанието за важноста на здравото и квалитетно спиење, и не дозволувајте да ја плаќате со своето здравје цената на несоницата.
Кои се најдобри природни лекови за третман на несоницата?
Постојат бројни намирници кои се препорачуваат да се консумираат во периодите кога се појавува проблемот со несоница. Една од најдобрите е јаболкото кое важи за најдобар природен лек.
Не треба да се заборави и благопријатното дејство кое го има купката направена од лаванда, а која влијае на смирување на напнатоста.
И за среќа, во природата постојат неколку билки кои доаѓаат во форма на капсули и ве поштедуваат во дополнителниот напор за подготовка на чаеви, купки, капки и слично. Капсулите Дормирин кои содржат маточина, валеријана и мелатонин, се додаток во исхраната за мирен сон, кои благопријатно влијаат на телото и умот во насока на опуштање, смирување и подготовка за добар сон. Се земаат само половина час пред спиење, а нивниот ефект е полесно и побрзо заспивање, и обезбедување мирен целовечерен сон.
