Споделете со пријателите!
Минатата недела на 5ти март, 2015 година дождот не ги спречи околу 1000 жени да трчаат по „патеката полна здравје“ во Градскиот парк и да покажат дека здравјето е нивен приоритет. Пред самата трка се одржа и триесет минутен аеробик час.
Во организација на Сојузот на Спортови на Скопје, како дел од промотивните трки на Виз Ер Скопски маратон 2015 се одржа 3-та женска трка со една единствена цел: Превенцијата од заболувањата започнете ја со вежбање. Со оглед на фактот дека жените имаат многу повеќе обврски, а се помалку време за себе, време за вежбање, ризикот за заболувања е се поголем. Овој непобитен факт ние сакаме да го смениме. Почнувајќи сега и тука.
Трките од овој карактер постојот насекаде во светот со иста цел подигајќи ја свеста на жените дека не е доцна да почнеме со активност.
Награди им беа доделени на најсреќните припаднички на понежниот пол кои беа извлечени во наградната игра по завршувањето на трката.
Споделете со пријателите!
