Селфи со Бијонсе ефект [ВИДЕО]

Забавен и целосно непрактичен селфи стап

Конечно произлезе нешто корисно од опсесијата со селфи фотографиите, а тоа е пронајдок во вид на автоматизиран селфи стап. Овој селфи стап автоматски се издолжува, има две светла кои излегуваат од страните на држачот на телефонот, заедно со мали вентилатори за ефект на ветер, или попознат како „Бијонсе ефект“.

Њујоркшката компанија „Тинкмодо“ – Thinkmodo, која се занимава со правење на вирални видео кампањи за брендови, овој пат создаде автоматизиран селфи стап за промоција на нова сезона на позната комична серија, со цел на најефективен начин да допре до целната публика, а воедно, на забавен начин да си поигра со трендот на манипулативно себепретставување, познат како селфи феномен.

Откако на јавноста и беше презентиран „изумот“ за потребите на виралното видео, многумина прашувале каде може да го набават. За жал, од компанијата изјавиле дека немаат намера да го произведуваат. „Изумот“ го правеле три месеци, и со сите додатоци на него, тој е многу потежок од обичниот селфи стап, така што, би било комплицирано постојано да го носите со себе додека патувате.

Во прилог, погледнете го видеото каде што е претставен „изумот“: