patuvanje-i-letnite-odmori-vlijaat-pozitivno-vrz-trudnicite_1
Споделете со пријателите!

За престојните летни одмори, лекарите советуваат дека патувањето не им пречат на трудниците, напротив им одговара
Бремените жени често мислат дека им е забрането да патуваат и летуваат и затоа си го скратуваат тоа задоволство. Лекарите советуваат сите трудници да се опуштат и слободно да уживаат во магијата на летните одмори. Најдобри месеци за летување и патување за бремените жени се септември и октомври. На идните мајки им се препорачува да патуваат кога се во вториот циклус од бременоста, бидејќи во тој период немаат веќе мачнини и можноста за спонтан абортус и предвремените породувања се сведени на минимум. Тоа не значи дека трудниците не треба да патуваат на почетокот од бременоста, но тогаш мора да бидат подготвени на можни непријатности, бидејќи организмот уште се навикнува на бременоста.

Во последниот циклус пак од бременоста не би требало да се патува на далечни дестинации повеќе од 500 километри од домот.

На трудниците не им се препорачува да одмораат и летуваат на високи надморски височини поради тешко прилагодување на воздушните разлики. Симптомите од оваа таканаречена „висинска болест“ се недостаток на апетит, повраќање, главоболка, но може да се појави и малаксаност. Сепак доколку сте љубители на планината и сакате вашиот одмор да го поминете на планина, најдобро е да одберете место кое е лоцирано на надморска височина до 1000 метри. За оние трудници кои сакаат море и плажа, треба да одберат мирно место со чисти плажи, но и „блага“ клима која подразбира не толку топло време (високи температури), како и сув воздух. Во периоди кога не е премногу топло, сончањето влијае позитивно врз трудницата, врз нејзиното расположение и релаксација, но сепак, прекумерното изложување на сонце е штетно за сите, особено за трудниците. Затоа се препорачува трудниците да бидат на сонце во периодот до 11 часот и по 17 часот. При тоа, 20 минути пред сончањето да се мачкаат со крем или лосион со висок заштитен фактор од 20+ па нагоре. Пливањето буквално им годи на трудниците, но во услови на уредна бременост. Водата има релаксирачко дејство, одржува во форма и не заморува, бидејќи во вода може да се вежба со многу помалку напор. Одлична е за болки во грбот, како и за нозете и за стапалата кои во бременоста се под притисок.

Прочитајте:  Холивудски фитнес трансформации: Џејмс Франко

Превоз со автомобил е наједноставен начин на патување. Ако трудницата вози не би смеела да седи зад воланот подолго од 6 часа. Треба да се прават и почести паузи за одмор. Трудницата може да патува и со брод ако е до 5-тиот месец од бременоста, но со претходно одобрување од гинеколог. Сепак најбрзо и најудобно е патувањето со авион кое не претставува никаков ризик за трудниците. Нискиот притисок во авионот не влијае негативно и не остава последици на плодот.

patuvanje-i-letnite-odmori-vlijaat-pozitivno-vrz-trudnicite_12

Пред патување неопходно е да се направи гинеколошки преглед. Но не треба да заборавите со вас да ја понесете и потребната документација односно извештај и одобрување од вашиот гинеколог дека можете да патувате. Податоци за крвната група и полиса за патничко осигурување која треба да ги покрива и трудничките трошоци при евентуално породување, а таканаречената „Патна аптека“ треба да е неизоставен дел од торбите и куферите. Треба да се земат и удобни рамни и ниски чевли, сандали или доволно широки патики во случај да се појават отоци на нозете од топлото време.


Споделете со пријателите!