zosto-ne-treba-da-pravite-detoks_image
Споделете со пријателите!

Бидете одговорни кон своето здравје и научете што точно значат популарните програми за детоксикација и како тие делуваат врз вашиот организам
„Популарни се програмите кои што ветуваат брзи резултати и целосно прочистување на организмот“
Детокс програмите нудат антиоксидативно, антихепатотоксично, противвоспалително, антибактериско, антиалергенско и диуретично дејство. Вака кажано, детокс звучи примамливо и атрактивно за сите што сакаат да водат поздрав живот. Сè повеќе се застапени програмите кои што ветуваат брзи резултати и целосно прочистување на организмот.

Детокс диети прават познатите личности и насекаде можат да се видат и прочитаат одличните резултати од прочистувањето. Свесни за негативните последици од оваа диета, промотерите на оваа програма нагласуваат дека детоксикацијата трае само неколку дена.

И покрај тоа што во рекламни цели краткиот временски период на детоксикација се истакнува како предност, всушност е нешто што е задолжително, бидејќи во спротивно може да го загрози здравјето.

Колку и да се уверливи овие брзи решенија за намалување на телесната тежина, тие имаат малку здравствени придобивки, како на пример,  намалување на крвниот притисок, но краткотрајни.

„Доколку токсините би се таложеле во организмот на таков начин како што се претставени од страна на продавачите, тогаш сите би имале сериозни здравствени проблеми“

Лекарите и нутриционистите истакнуваат дека постојат два вида на детоксикација. Потребниот детокс е медицинска постапка кај пациенти чиј организам треба да се исчисти по долготрајна терапија со лекови. Другиот вид на детоксификација е моден тренд. Доколку токсините би се таложеле во организмот на таков начин како што се претставени од страна на продавачите, тогаш сите би имале сериозни здравствени проблеми. Здравото тело има бубрези, црн дроб, кожа, бели дробови, осносно органи кои што се задолжени за преработка и прочистување и тоа го прават цело време.  

Но зошто детокс програмите се толку застапени? Најмногу заради популарност и неинформираност. Многумина што го практикуваат овој детокс метод, тврдат дека се чувствуваат поубаво по завршувањето на програмата, а главната причина за тоа е дека тие денови не внесувале процесирана храна. Како и да е, овој проблем може да се реши без детокс, со едноставно избегнување на тој вид на храна.

Прочитајте:  Заблуди за намалување на киселини во стомакот

Доколку се одлучите  за оваа диета, најпрво консултирајте се со лекар, бидејќи детокс диетата често доведува до вртоглавици. Токму затоа, за да не дојде до здравствени проблеми, детокс диетата треба да трае три дена. Празнењето на цревата може да доведе до дехидрација на организмот, како и губење на важни минерали и витамини. Детокс режимот особено не се препорачува за тинејџери. Еве уште неколку причини зошто не ви е потребен детокс:

Килограмите што ќе ги изгубите брзо се враќаат

zosto-ne-treba-da-pravite-detoks_image2Секој може да внимава на исхраната неколку денови. Балансираната исхрана и здравиот начин на живот е животен стил, не нешто што трае три дена. Нутриционистите предупредуваат дека по завршувањето на детоксикацијата, килограмите веднаш се враќаат и се зголемуваат. Не само што ќе ги вратите килограмите, туку и ќе му направите непотребен шок на организмот.

Ќе се чувствувате лошо

Мастите и протеините кои што се внесуваат преку храната, телото ги користи за невротрансмитерите, задолжени за самоконтрола и расположение. Со наглото нивно прекинување, големи се шансите да се чувствувате нерасположено. Освен тоа, наглото кратење на калории значително ја намалува енергијата.  

Се губи мускулна маса

Уште еден ризик од ограничување на протените е губењето на мускулна маса. Затоа, кога килограмите ќе се вратат, тие ќе се наталожат како сало.  

Препораката е едноставна: Не ви е потебен детокс доколку јадете редовно, консумирате многу овошје, зеленчук, цело зрна, семиња, зрна и чисти протеини, доколку внимавате на внесот на шеќер и внесувате колку што може помалку процесирана храна.


Споделете со пријателите!