zdrava-hrana-zdrava-kozha_image
Споделете со пријателите!

Користењето на скапи козметички производи за нега на вашата кожа не е гаранција за нејзината убавина. Консумирање здрава храна е решение за совршена кожа.
Користењето на скапи козметички производи за нега на вашата кожа не е гаранција за нејзината убавина. Консумирање здрава храна е решение за совршена кожа. Изборот на храната која секојдневно ја консумираме се одразува и на изгледот на кожата. Еве листа на неколку прехрамбени производи со кои што ќе направите услов да имате здрава и сјајна кожа.

Црвената пиперка содржи повеќе од 100% од дневната потреба за витамин Ц. Таа исто така содржи значајни количини на диетални влакна, витамин Б6, каротеноиди. Овие состојки спречуваат појава на брчки и ја зголемува циркулацијата на крвта во неа и создаваат витален и млад изглед на кожата. Каротеноиди кои се наоѓаат во црвените пиперките се исто така идеални за да помогнат во борбата против акни.

Темното чоколадо поради богатството на антиоксиданси помага кај сувата кожа и успешно ја штити од УВ зраците, исто така, го смалува и стресот, со самото тоа и брчките.

Лосос е одлична храна која обезбедува поголем дел од дневните потреби за витамин Д, кој е одговорен за работата на срцето, коските, дебелото црево и мозокот. Оваа риба исто така содржи омега-3 масни киселини, кои се одлични за борба против воспаление на кожата, појава на брчки и акни, како и придонесува за добро хидрирана кожа.

„Зелениот чај има антивоспалителни својства и го забавува стареењето на кожата.“

Зелениот чај содржи големо количество антиоксиданси кои ја штитат кожата од сончевите зраци и од предвременото стареење. Доколку секојдневно го консумирате кожата на вашето лице ќе блеска и ќе биде свежа. Зелениот чај има антивоспалителни својства и го забавува стареењето на кожата. Ова е една од најмоќните билки со која можете да го подобрите квалитетот и здравјето на вашата кожа.

Прочитајте:  Хроничен синузитис – причини, симптоми и терапија

Спанаќот е здрав и богат зеленчук кој изобилува со хранливи состојки како што се железо, фолна киселина, хлорофил, витамин Е, магнезиум, витамин А, влакна, растителни протеини и витамин Ц. Поради антиоксидантна способност на витамините Ц, Е, и А спанаќот е одличен за вашата кожа.

Моркови се хранлив продукт кој не само што е добар за здравјето на очите, туки и за здравјето на кожата. Богати со витамин А помагаат да се спречи хиперпродукција на клетки во надворешниот слој на кожата. Уште една голема причина зошто треба да грицкате моркови е тоа што витаминот А го намалува развојот на карциномот на кожата. Листата на здрава храна е доста широка и вклучува и други намирници како што се авокадо, ореви, маслиново масло, ленено семе итн. Стареењето е неспорен факт кој не може да го спречиме но консумирањето на здрава храна и тоа како може да го направи процесот по пријатен и без екстреми по здравјето како од внатре така и од надвор.


Споделете со пријателите!