Вежбајте емпатија во само неколку чекори

Емпатијата – се развива со редовно слушање на нечии мисли и забележувајќи нечии чувства – помага во градењето на блискост и почит.

Емпатијата додава длабочина на љубовта што ја имаме кон другите. Преку емпатија, ги гледаме оние што ги сакаме такви какви што се, а не како што ги замислуваме да бидат или сакаат да бидат. На овој начин, ние ги цениме за нивните квалитети, не само за она што тие го прават за нас и признаваме дека дури и ако споделуваме исто искуство, можеби имаме различни мисли и чувства. Без емпатија, би претпоставиле дека туѓите потреби, граници и искуства се исти како нашите, што би создало проблеми во нашите односи.

Емпатијата е полесно да се даде на некои луѓе, но можно е да се научи, дури и ако не сме нај емпатичната личност.

Пробајте ги овие вежби:

• Помислете на вашиот сопружник, пријател, член на семејство или колега.
• Какво е неговото расположение последниве денови?
• Што се случува во животот на оваа личност што може да го направи среќен или тажен, вознемирен или лут?
• Како придонесувате во оваа ситуација?
• Што можете да сторите или кажете за да ја подобрите ситуацијата на оваа личност?

Например, да речеме дека сте во брак и вашиот партнер во последно време е вознемирен и лут. Тој се враќа дома од работа нервозен, а тензијата меѓувас е голема. Тој размислуваше толку многу за неговиот ден на работа,што за време на вечерата не разговарал со вас, а дури и кога сте разговарале главна тема била неговата работа.

Не емпатичкиот одговор ќе биде да му викате дека и вие сте имале проблеми и налутено да реагирате дека тој не ве прашал како ви поминал вашиот ден. Предходното може да е вистина, а избувнувањето може да ве натера да се чувствувате добро во моментот, но дали е овој одговор корисен? Дали ќе ја подобри вашата врска? Дали тоа ќе го подобри вашиот живот или оној на вашиот партнер? Не, наместо тоа, ќе ги влоши работите.

Еве еден пример на вежба за емпатија во акција:

1. Размислете за вашиот партнер.
2. Размислете колку е тој под стрес последните неколку дена.
3. Размислете за тоа што се случува во неговиот живот. Што може да биде она што го вознемирува. Можеби работи повеќе часови од вообичаеното? Му беше одложена промоција? Можеби колега или шеф му кажал или направил нешто што го вознемирило? Може би не ги знаете деталите, но ако вашиот партнер секој ден си доаѓа дома од работа вознемирен и нервозен, може разумно е да се претпостави дека нешто незгодно се случува во канцеларијата.
4. Искористете ги последните неколку дена за да размислите како можеби сте придонеле за состојбата на вашиот партнер. Можеби не сте причина за неговите грижи, но дали правите да се чувствува подобро или полошо? Замислете се во истата ситуација. Ако имате проблеми на работа, како би се чувствувале кога се враќате дома кај партнерот и тој или таа ве напаѓа бидејќи се жалите за вашата работа?
5. Конечно, размислете што можете да сторите или кажете за да ја подобрите ситуацијата на партнерот. Луѓето ја покажуваат и ја перцепираат љубовта на различни начини. Иако би ценеле повеќе мали подароци како знак на љубов, можно е вашиот партнер повеќе да ги цени дејствијата повеќе. Можеш ли да му направиш нешто што го сака за вечера? Направете му масажа? Размислете за сè што знаете дека може да го засили неговото расположение, а не она што вие би сакале во иста ситуација.

Емпатијата – се развива со редовно слушање на нечии мисли и забележувајќи нечии чувства – помага во градењето на блискост и почит. За да откриете дали практикувате емпатија кога разговарате со некого, разгледајте го следново:

• Фокусирајте го вниманието кон другиот кога зборува. Не го проверувајте вашиот телефон или не зјапајте низ прозорецот.
• Покажете му дека го слушате гледајќи го во око кога разговара, климнете со главата кога разбирате и допрете го со раката или користите друг гест за поврзување.
• Покажете ја почитта слушајќи без сарказам или одбивање. Ако се чувствувате луто или изнервирано, побарајте кратка пауза од разговорот. Истурете си чаша вода и пијте ја полека за да си дадете време да се концентрирате.
• Повторете го она што тој го кажува со свои зборови за да бидете сигурни дека го слушате правилно или да поставувате прашања ако не сте запознаени со нешто.
• Признајте ги (потврдете) неговите емоции. Дури и ако не се согласувате со неговото мислење, сепак можете да го препознаете правото на една личност да чувствува што чувствува.