dali-redoven-seks-znachi-srekja-vo-brakot_image
Споделете со пријателите!

Истражувачите сметаат дека сексот игра круцијална улога во зближување на партнерите
Сексот има централна улога во репродукцијата, но и важна улога во одржувањето на блискоста со партнерот. Поврзувањето на интимните односи со блискоста помеѓу партнерите е нешто што сите го знаат, но секако, постојат и истражувања за поткрепување на овој познат факт. Најновото истражување направено врз нови (тазе) двојки, објавено во Psychological Science, покажува дека партнерите доживуваат сексуално „зрачење“ (сјаење) кое може да трае и 48 часа по интимниот однос и е поврзано со квалитетот на врската на подолг временски период.

„Нашите истражувања го покажуваат чувството на задоволство кое останува 48 часа по сексуалниот однос“, вели психологот Анреа Мелцер од Универзитетот на Флорида, лидер на ова истражување.

Тој истакнува дека лицата кои искажале повисок степен на задоволство во рок од 48 часа по сексуалниот однос, исто така искажале и повисок степен на задоволство во врската неколку месеци подоцна.

Истражувачите сметаат дека сексот игра круцијална улога во зближување на партнерите, но многу парови изјавиле дека имаат сексуални односи со своите партнери неколку дена во неделата, но не секој ден. Мелцер и колегите даваат хипотеза дека сексот може да даде краткорочна енергија за сексуалната сатисфакција, односно за одржување на врската помеѓу сексуалните искуства и воопшто, подобрување на врската на подолг временски период. За да ја тестираат оваа хипотеза, истражувачите прегледале податоци од две различни истражувања – едното направено врз 96 нови двојки, а другото на 118 нови парови. Сите парови имале задача да пополнат најмалку три последователни дена во двонеделниот дневник, кој бил дел од големата студија.
dali-redoven-seks-znachi-srekja-vo-brakot_image1

Прочитајте:  Кога е вистинско време за да му објасните на вашето дете што претставува сексот

„Секоја ноќ пред легнување испитаниците требало да целосен извештај за нивото на задоволство од повеќе аспекти

Секоја ноќ пред легнување, испитаниците требало да пополнат извештај, независно еден од друг и без разлика дали имале сексуален однос со нивниот партнер тој ден. Независно од одговорите, тие биле замолени да оценат колку се задоволни од нивниот сексуален живот тој ден и колку се задоволни од нивниот партнер, нивната врска и нивниот брак. Оценувањето го извршувале со помош на скала од 1 до 7, каде што единицата значи незадоволство, а седмицата екстремно задоволство.

Сексуалните односи резултираат со задоволство во текот на целиот тој ден и дури два дена подоцна.

Партнерите, исто така, требало да пополнат и три мерења на квалитетот на бракот и тоа: на почетокот на истражувањето, за време на сесијата и четири до шест месеци подоцна. Се открило дека сексот е поврзан со трајното уживање во партнерските односи. Сексуалните односи резултираат со задоволство во текот на целиот тој ден и дури два дена подоцна. Со други зборови, учесниците искажале зголемена животна сатисфакција 48 часа по интимниот однос. Истите резултати се појавуваат во двете независни студии, кои даваат цврсти докази за ефектите од гореспоменатото „сјаење“ врз целокупното задоволство од бракот или врската, сметаат Мелтцер и колегите. „Ова истражување е важно на пошироко ниво, бидејќи ги поврзува и другите истражувања кои сметаат дека сексуалниот живот ги зближува партнерите“, заклучува Мелтцер.


Споделете со пријателите!