Осаменоста е карактеристична за одредени старосни групи, односно, доцните 20-ти, 50-тите и 80-тите години.
Ново истражување дознава дека осаменоста може да се појави во три различни периоди од човековиот живот. Предводена од д-р Дилип Јесте, истакнат професор по психијатрија и невронаука на Универзитетот во Калифорнија, Сан Диего, студијата вклучила 340 испитаници на возраст од 27 до 101 година од кои 76 отсто покажале дека страдаат од умерена до тешка осаменост. Од вкупниот број на лица кај кои е забележана осаменоста, било заклучено дека истата е карактеристична за одредени старосни групи, односно, доцните 20-ти, 50-тите и 80-тите години.
Инспирација за студијата
Дилип Јесте вели дека за студијата бил инспиритан кога го разледувал истражувањето за она што се нарекува епидемија на осаменоста. Во декември минатата година, една студија на здравствената осигурителна компанија „Cigna“ покажа дека речиси половина од 20 000 луѓе анкетирани на интернет изјавиле дека некогаш се чувствуваат осамено, изолирано или изоставено. Експертите кои ја спровеле оваа студија изјавиле дека осаменоста се смета за ривал на прекумерната дебелина и на пушењето цигари кога станува збор за ризиците кои му пркосат на човековото здравје.
Луѓето имаат различни дефиниции за осаменоста. Според Јесте, таа не е иста како да се биде сам. Тој потенцира: „Осаменоста е субјективно чувство. Не можам да ви кажам дали сте осамени или не. Да речеме дека имам 10 пријатели. Сè уште може да се чувствувам осамено. Можеби ми се потребни 20 пријатели за да не се чувствувам осамено. Од друга страна, пак, некому можеби му е доволен 1 пријател за да не се чувствува осамено“.
Детали за студијата
Во студијата Јесте искористил 3 скалила за проценување на степенот на осаменоста. Учесниците одговарале на прашањето „Колку често се чувствуваат изоставени или во хармонија со другите“. Кога се користела скалата за одредување на степенот на осаменост, оние што одговориле дека чувствуваат умерено или тешко ниво на осаменост достигнале 76 отсто. Истражувачите, исто така, го оценувале и физичкото и менталното здравје на учесниците.
Експертско мислење
Од вкупно 340 лица, 76 отсто да чувствуваат умерено или тешко ниво на осаменост е изненадувачки, велат експертите. Но сепак тој процент ги вклучува двата степени на осаменост. Ако резултатите се гледаат одделно, 22 отсто од испитаниците пријавиле дека чувствуваат тешко ниво на осаменост.
Од друга страна, старосните групи во кои преовладува осаменоста не се до голем степен изненадувачки. Имено, во доцните 20-ти години, луѓето честопати се обидуваат да се пронајдат себеси на лично и професионално поле. Во 50-тите години можно е да се појави она што се нарекува средновековна криза, додека во доцните 80-ти, луѓето почнуваат да ги губат своите пријатели.
