4-neshta-koi-go-ubivaat-vashiot-seksualen-nagon_image
Споделете со пријателите!

Недостаток на сон, премногу алкохол, стрес, депресија, хормонални промени – многу нешта влијаат врз желбата за интимен однос
Доколку вашата желба за секс е еднаква на желбата да чекате долг ред на каса или во банка, тогаш имате проблем. Поточно, имате повеќе проблеми, бидејќи сексуалните односи се сложен процес на психолошки и физички функции. Од недостаток на сон до консумирање многу алкохол, ниското либидо може да биде производ на бројни психолошки, емоционални и надворешни фактори.

Гинекологот д-р Брет Ворли, (Brett Worly) којшто го нарекуваат експерт за сексуална дисфункција на жените, ги истакнува најчестите причини кои доведуваат до ниско либидо. Прочитајте ги неговите препораки заедно со останатите најчести причини за намалување на либидото.

Лекови

„Хормоните серотонин, епинефрин и допамин се ангажирани во сексуалниот нагон и сексуалната функција“, објаснува д-р Ворли. Антидепресивите делуваат на намалување на возбудувањето и доколку сметате дека терапијата со лекови (не само антидепресиви) ви го намалува либидото, консултирајте се со вашиот лекар. Според едно истражување, доволни се 20 минути интензивни вежби, коишто ќе помогнат при подигање на женското либидо кај оние коишто се на терапија со антидепресиви. Сексуалната желба, исто така, се намалува и при земање на контрацептивни апчиња.  

Хормонални промени

За време на менопаузата, кај многу жени се намалува желбата за секс, поради сувост на вагината и опаѓање на нивото на естрогенот. Исто така, вакви промени се јавуваат за време на бременост и доење, заедно со зголемен умор, промена на физичкиот изглед итн.

Постојан умор  

Уморот е реална закана за сексуалниот живот. Лекарите советуваат дека треба да се одбере време од денот кога имате енергија, а не пред спиење. Доколку чувствувате зголемен умор, имајте интимни односи наутро, бидејќи тогаш сте најодморени. Доколку сепак преферирате навечер, не се прејадувајте, бидејќи ќе бидете поспани. Во меѓувреме, потрудете се да ја откриете причината за постојаниот умор.

Прочитајте:  Синдром „Дон Жуан“

Проблеми со партнерот

Сексот е психолошко исто колку што е и физичко искуство, па проблемите во врската, најмногу придонесуваат за „убивање“ на сексуалниот нагон, вели д-р Ворли. Имајте на ум дека квалитетните сексуални односи  се производ на добра комуникација надвор од креветот.

Останати фактори коишто влијаат врз сексуалниот нагон

  • Алкохол. Чаша вино можеби ќе ве расположи, но многу алкохол има спротивен ефект;
  • Здравствени проблеми: дијабетес, дебелина, депресија, висок крвен притисок, висок холестерол.

Споделете со пријателите!