vertigo-vo-rana-prolet
Споделете со пријателите!

Причина за вертиго – чувство на вртење и губење на рамнотежа може да бидат и алергиите
Вертиго се дефинира како чувство на вртење и губење на рамнотежа. Вертигото, тешко објективно и директно може да се измери со оглед на тоа дека е субјективно чувство и може да биде резултат на различни патофизиолошки процеси.

„Причина за вртоглавицата може да бидат и алергиите кој во рана пролет можат да ги интензивираат овие вртоглавици“

Во зависност од тоа дали вртоглавицата е вестибуларна или не, симптомите, т.е типот на вртоглавица е различен. Вестибуларно нарушување е скоро секогаш опишан како чувство на вртење и е придружен со нистагмус. Во оваа состојба пациентите чувствуваат како околината се движи околу нив. Оние пациенти со вестибуларна дисфункција имаат вртоглавица при движење, чувство на губење на рамнотежа, при што се навалуваат на една страна. Пациентите со невестибуларно вертиго имаат чувство на вртење на внатре во главата кое не е придружено со нистагмус. Овие пациенти ја опишуваат вртоглавицата како чувство на „лебдење“.

Причина за вртоглавицата може да бидат и алергиите. Во рана пролет можат да се интензивираат овие вртоглавици. Алергија поврзана со конгестија на синуси, може да биде причина и за посериозна форма на вртоглавица. Вртоглавицата предизвикана од алергија е резултат на супстанци наречени алергени. Ако пациентот е алергичен на алергени како, прашина, полен, влакна од животни, организмот почнува да испушта супстанци наречени хистаминии тие се причина за сиптомите кои ги има пациентот. Типични симптоми на алергија вклучуваат конгестија, кивање, кашлање и чешање на грлото.

Алергиите ја афектираат и Евстахиевата труба, кој е канал кој го поврзува средното уво со задниот дел на грлото и помага во одржување на рамнотежата како и изедначувањето на притисокот во средното уво со надворешниот воздушен притисок.

Кога Евстахиевата труба е запушена со слуз, пациентот има потешкотии со слухот, и не може да се изедначи притисокот во увото, и да се воспостави рамнотежатата. Овие нарушувања во средното уво предизвикуваат сиптоми на вртоглавица кај оние пациенти кои страдаат од алергии, настинки и синусни инфекции.

Прочитајте:  Ринофарингит или сезонска настинка

Третманот опфака, лекови кои ја отстрануваат причината за оваа состојба а тоа е алергијата. Лекови кои се користат се: антихистаминици, кортикостероиди, деконгестанти, блокатори на леукотриени. Како адјувантна терапија се администрира бетахистин кој е лек кој за третман на вртоглавицата.

Д-р Зоран Максимовиќ, специјалист оториноларинголог


Споделете со пријателите!