За нашиот живoт да се одвива целосно во позитивна насока, прво треба да научиме да ги почитуваме сопствените потреби, граници и интереси.
Нашата желба за одржување добри односи со другите и недостатокот на доволно самодоверба може да нѐ наведе да ги игнорираме нашите сопствени потреби. Потиснувањето на нашите мислења и чувства неизбежно води кон фрустрација и им дава на другите шанса да го искористат нашиот став.
За нашиот живот да се одвива целосно во позитивна насока, прво треба да научиме да ги почитуваме сопствените потреби, граници и интереси. Еве неколку совети кои ќе ви помогнат да почнете да го почитувате сопственото мислење, особено ако сметате дека премногу често се согласувате со други, наместо да ја изразите својата позиција.
1. Работете на вашата самодоверба
Ако сакате да се чувствувате добро во сопствената кожа, одвојте време за нештата и луѓето што ве исполнуваат. Изградете ја вашата самодоверба со тоа што ќе преземете активно учество во грижата за себе, така што ќе правите повеќе работи што ве тераат да се чувствувате добро. Изградете позитивен став кон себе за да се потпрете на внатрешна валидација и задоволство. Колку подобро се чувствувате, толку помалку ќе имате потреба да се потпрете на одобрувањето на другите.
2. Научете како да кажете „не“
Ќе има случаи во кои не се согласувате со некого или неговите барања кон вас се косат со вашите морални норми. Да ги почитуваш сопствените мислења и потреби не е себично, напротив тоа е неопходен чекор кон нормално ментално и физичко здравје. Ако ги прифатите мислењата и изборите на другите, прифатете ја вашата слобода на избор. Најпрво, можеби ќе се чувствувате несигурни кога ќе кажете “не”, но границите кои ќе ги поставите ве заштитуваат вас и им помагаат на другите, исто така, да го почитуваат вашето право на мислење.
3. Прифатете го фактот дека не секој ќе се согласи со вас
Наместо постојано да ги следите одобренијата и стандардите на луѓето околу вас, организирајте ги вашите сопствени приоритети. Нормално е сите да не се согласуваат со вас и ова не треба да ве обесхрабри, бидејќи тоа е универзален факт што важи за најуспешните луѓе. Ако сакате нешто да постигнете, прифатете ја критиката но не гледајте на неа дека таа ви ја одзема вредноста. Дури и да го направите најдоброто, секогаш ќе има луѓе кои ќе имаат различен став од вашиот и такви кои нема да го ценат вашето дело или ќе се обидат да го искористат трудот кој вие сте го вложиле во сопствени цели.
