На секого му е потребна поголема самодоверба, а еве три начини како да ја постигнете
Сосем нормално е понекогаш да почувствувате пад на самодовербата. Постојат многу животи настани кои што бараат особена смиреност и сигурност во настапот, особено при јавно обраќање, работни интервјуа, важни состаноци и слично. Затоа, познатиот психолог од „Харвард“, Ејми Кади, открива неколку техники за поттикнување на самодовербата.
Моќна поза
Заземете моќна поза, слична како ставот на Супермен. Правете ја наутро во огледало или во лифтот додека одите на работа или состанок. Оваа исправена поза задржете ја две минути, дишејќи рамномерно и длабоко. За делувањето на оваа поза, потврдуваат и неколку експерименти во кои оние кои што го користеле овој метод покажале подобри резултати од останатите.
Замислете се успешни
Најчестото прашање кое што се поставува на интервју „Каде се гледате за 5 години“, нека ви биде одредница за зголемување на самодовербата. Замислете си светла и успешна иднина, размислувајќи како би изгледале по 5 години, но испланирајте со детали. Едно истражување потврди дека планирањето во детали, помага кон побрзо остварување на замислениот план, правејќи нè поинволвирани.
Искажете благодарност
Наместо да очајувате за пропуштените шанси и да се разочарувате на она што го немате, фокусирајте се на она што го имате. Ова сите го знаеме, но секојдневните стресови и животни проблеми, придонесуваат да заборавиме на едноставните работи. Експертите советуваат да искажете благодарност кон тоа што го имате, веднаш откако ќе се разбудите. Основата е едноставна – ако сте благодарни, тогаш сте позитивни а со тоа и полни со енергија која поттикнува ангажираност и активност.
