Прочитајте за синдромот кој ги зафаќа идните татковци
Синдромот „Кувад“ – Couvade syndrome, се нарекува уште и сочувствителна бременост и претставува специфична состојба во која мажот ги искусува симптомите и однесувањето на неговата бремена партнерка. Најчести симптоми се покачување на телесната тежина, промена на хормони, утринска мачнина и нарушен сон. Останатите симптоми вклучуваат и стомачна болка, болки во грбот, лошо варење на храната, акни, дијареа, главоболка, зголемување на градите. Во посериозни случаи, овој синдром се одразува со породилни болки, постпородилна депресија и крварење на нос.
Синдромот „Кувад“ не е востановен како официјален синдром од страна на медицинските професионалци коишто дебатираат дали овој синдром преставува психосоматска состојба или причините се биолошки и се производ на хормонална промена.
Во некои екстремни случаи, татковците може да имаат стомак сличен на бремена жена во седми месец. Оваа состојба е наречена фантомска, односно лажна бременост.
Досега објавените синдроми
