Споделете со пријателите!

Здравјето на стапалата е многу важно и тие треба да се негуваат не само во лето, кога се најизложени, туку во текот на целата година
„Доколку не сакаш бактерии, тогаш си на погрешна планета“, има кажано познатиот екологист и писател Stewart Brand. Како бактериите, така и габичките се нормално присутни на кожата, сè додека не се појават одредени фактори кои што ќе направат дисбаланс. Имено, во влажна средина тие се активираат и множат. И други фактори влијаат на нивно активирање како: генетска предиспозиција, пад на имунитетот, присуство на одредени здравствени проблеми како дијабетес, додека пак некои луѓе се почувствителни на габични инфекции без некоја одредена причина.

Статистички, мажите повеќе заболуваат од габични инфекции на стапалата за разлика од жените.

Тоа е заради секојдневните навики, односно жените носат отворени обувки поголем дел од времето и генерално повеќе ги негуваат стапалата, додека мажите носат повеќе затворени обувки, најчесто чевли и патики. Иако габичните инфекции се застапени најмногу во лето, заради зголеменото потење, тие се присутни и во текот на целата година, заради постојаното носење на обувки и неможноста на кожата на стапалата да „дише“. Габичните инфекции на стапалото се појавуваат најчесто помеѓу прстите и на табаните и се препознаваат како црвенило, лупење на тој дел од кожата, чешање. Овие инфекции исто така се многу присутни и на ноктите на нозете.
stapalata-se-odraz-na-zdravjeto_image1

Превенција

Здравата кожа е најдобра заштита од габични инфекции. Токму затоа, на стапалата и ноктите на стапалата треба да им посветувате внимание исто како и на другите делови на телото. Тоа значи дека хигиената на овој дел од телото треба да биде на високо ниво. Еве неколку совети за ја спречите оваа инфекција:

  • Редовно туширање со антибактериски сапун;
  • Темелно бришење со чиста крпа, не изоставувајќи го делот помеѓу прстите кој мора секогаш да е сув;
  • Времето надвор е уште топло, така што носете отворени обувки секогаш кога сте во можност, а во затворено бидете почесто боси;
  • Редовно нанесувајте хидратантен крем за да се заштитите од бактериите кои што навлегуваат низ сувата испукана кожа;
  • Практикувајте пилинг на стапала еднаш неделно;
  • Не одете боси на базен, како и во делот за туширање и во соблекувалните во фитнес салите;
  • Не ги носете истите обувки во текот на денот. Не станува збор за модна препорака, туку за здравствена превентива, а ова особено се однесува ако сте склони кон прекумерно потење;
  • Избегнувајте тесни обувки, како и чорапи од синтетички материјали.
Прочитајте:  Како работниците да постигнат балансиран и здрав живот?

Доколку ви се појави габична инфекција на стапалата

  • Доколку имате габична инфекција на стапалата, не го игнорирајте проблемот. Добро измијте и исушете го зафатениот дел и нанесете тенок слој крем против габични инфекции. По нанесување на кремот, темелно измијте ги рацете за да не ја проширите инфекцијата на друг дел од телото;
  • Внимавајте на луѓето околу вас. Инфекцијата може да се пренесе од човек на човек, па затоа додека сте во процес на лекување, избегнувајте сауни, турски бањи и одење боси во хотелска соба;
  • Задолжително дезинфицирајте ја кадата откако ќе се истуширате, крпата за нозе користете ја само вие и чорапите перете ги на висока температура;
  • Редовно нанесувајте пудра на стапалата која ќе го собира вишокот влага;
  • Доколку вашите стапала се заразени, габичките се наоѓаат и во чевлите, затоа треба редовно да ги дезинфицирате со спреј.

Лекување

Лекувањето се започнува со локално нанесување на креми, кои што можат да се купат во аптеки без лекарски рецепт. Дијагнозата се поставува при целосен преглед на стапалото, а процесот на лечење подразбира употреба на креми со тројно дејство, кои што во исто време ќе делуваат врз отстранување на габичките, бактериите и воспалението. За нивно целосно отстранување, важно е да продолжите со третирање и лечење и до две недели по губењето на знаците на болеста, дури и тогаш кога изгледа дека инфекцијата се повлекла.


Споделете со пријателите!