soncevoto-vreme-ja-zgolemuva-moznosta-za-zacnuvanje
Споделете со пријателите!

Летото и сончевото време имаат многу придобивки кога станува збор за нашето здравје, вклучувајќи ја и можноста за зачнување
Постојат многу парови кои не можат да добијат дете по природен пат, па се одлучуваат за вештачкото оплодување се со цел да добијат нов член во нивното семејство. Според истражувањето на Д-р Франк Вандекеркхов – Frank Vandekerckhove при Центарот за репродуктивна медицина при Универзитетот Гент во Белгија – Centre for Reproductive Medicine of University Hospital Ghent, изложувањето на сончева светлина може биде од помош за тие двојки кои се обидуваат да имаат бебе. Топлото време без дожд и сончевата светлина можат да ги зголемат шансите за зачнување за една третина.

„Сончевото време го стимулира хормонот мелатонин и го зголемува нивото на витаминот Д во нашиот организам, кои пак влијаат врз репродуктивниот циклус и квалитетот на јајце клетките.“

Во текот на ова истражување кое траело 6 години се следеле резултатите од вештачкото оплодување на 6000 жени. Со споредба на датумите кога се спроведувало вештачкото оплодување и временските услови во тој период било забележано дека жените имаат до 35% повеќе шанси да забременат ако биле изложени на сончево време еден месец пред третманот за вештачко оплодување. Клучни се временските услови еден месец пред, а не за време на вештачкото оплодување. Иако ова истражување било спроведено кај пациентки кои биле подложени на ин-витро оплодување, сепак според Д-р Вандекеркхов, не постои причина зошто истото да не важи и за жените кои сакаат да забременат по природен пат.

ПРОЧИТАЈТЕ:
          Вежбање за време на бременоста

Сончевото време го стимулира хормонот мелатонин и го зголемува нивото на витаминот Д во нашиот организам. Мелатонинот влијае врз репродуктивниот циклус, додека пак витаминот Д има влијание врз квалитетот на јајце клетките. Токму ваквото стимулирање на мелатонинот и витаминот Д во нашиот организам под влијание на убавите временски услови може да е главната причина за зголемените шанси за зачнување на бебе.

Искористете го летниот период за да се одморите и да уживате во топлото време, одењето на летен одмор еден месец пред зачнувањето може да ви помогне при проширувањето на семејството.

Бременоста е едно посебно искуство и убаво е сите жени да можат да го искусат тоа. Напредокот на медицината кога станува збор за вештачкото оплодување е несомнено голем. Медицината се развива секојдневно и како резултат на различните истражувања во областа на вештачкото оплодување голем број на семејства ги отвораат вратите за нивниот нов член. Ова е само уште едно во низата на такви истражувања и е доказ дека природните фактори можат да бидат исто така важни за зачнување на дете. Искористете го летниот период за да се одморите и да уживате во топлото време. Одењето на летен одмор еден месец пред зачнувањето можеби ќе ви даде шанса да си го проширите семејството.

Прочитајте:  Како до здрава бременост и здраво бебе!

Споделете со пријателите!