proteinsko-lekuvanje-na-najcestata-bolest-na-bubrezite
Споделете со пријателите!

Истражувачите при Универзитетот во Манчестер – The University of Manchester развија нова револуционерна техника за лекување на светски најпознатата наследна болест што ги напаѓа бубрезите
Полицистичната болест на бубрезите е генетско нарушување кое во бубрезите создава цисти полни со течност што го уништуваат нормалното бубрежно ткиво. Од ова заболување страдаат околу 12,5 милиони индивидуи ширум светот. Поретка форма на ова заболување, којашто се јавува кај едно од 20 илјади новороденчиња во Велика Британија, доведува една третина од нив да умрат пред самиот пораѓај или веднаш по раѓањето.

Новиот пионерски третман за справување со оваа болест, објавен во журналот на Американското нефролошко друштво – Journal of the American Society of Nephrology се состои од таргетирање на ситните крвни и лимфни садови во внатрешноста на бубрезите. Овој начин тестиран на глувци, покажа успех и подобрување на бубрежната функција и бавна прогресија на болеста кај нив. Всушност таргетирани се протеините за кои се смета дека имаат голема улога во предизвикувањето на болеста и се наоѓаат  во влакнестото ткиво во внатрешноста на цистите.

Оваа метода на лечење може да помогне во ублажувањето на одредени симптоми на полицистичната болест на бубрезите, но сепак, таа сè уште не може целосно да ја излечи состојбата. Научниците од Манчестер и од Универзитетскиот Колеџ од Лондон – University College London неодамна открија дека крвните и лимфните садови кои се наоѓаат околу цистите, исто така имаат важна улога во развојот на болеста и поради тоа треба да бидат нова цел во лекувањето на истата.

Адријан Вулф – Adrian Woolf професор по педијатрија на Универзитетот во Манчестер и ко-автор на студијата додаде: „Доколку би можеле да се фокусираме на овие крвни садови во раниот стадиум на болеста, потенцијалните резултати би биле многу подобри за пациентите“.

Прочитајте:  Алгоритам може прецизно да ја предвиди машката сексуална ориентација

Набљудувајќи ги глувците-заморчиња со двата типа на болеста – честата, како и поретката форма, тимот забележа дека крвоносниот систем околу цистите бил променет уште во раната фаза на развојот на цистите. Поради тоа тие ги лекувале глувците со помош на моќен протеин на раст наречен – VEGFC и откриле дека крвните садови се нормализирале, а функцијата на бубрезите се подобрила. Што се однесува пак до ретката форма на болеста кај глувците, овој начин на лекување исто така, довел до скромно подобрување и значајно зголемување на животниот век.

Дејвид Лонг – David Long главниот истражувач и главен научен соработник во Институтот за детско здравје, објаснува: „Со натамошни тестирања, третманите кои ќе се фокусираат на крвните садови околу бубрежните цисти, веројатно во комбинација со моментално користените лекови, може да бидат од корист за пациентите со полицистична болест на бубрезите“.

Елејн Дејвис – Elaine Davies директорката за истражувања во истражувачкиот центар за бубрези во Велика Британија и Д-р Ричард Тромпитер – Richard Trompeter директор на детскиот истражувачки центар за бубрези велат: „Ова е возбудливо остварување и ние сме неверојатно горди што го подржуваме. Идентификувајќи план за лекување којшто може да превенира натамошно влошување на бубрежната функција кај пациентите со ова конкретно заболување, нашите истражувачи дадоа свежа надеж на илјадници луѓе во Велика Британија кои страдаат од оваа болест. Како и да е, истражувањата како ова можат да продолжат само со поддршка од јавноста.“


Споделете со пријателите!