Прочитајте кои се бенифициите и ризиците од сончањето
Потребата од сончевата светлина ни е неопходна поради потребата од витамин Д, витамин кој покрај другото ни помага да апсорбираме калциум за поздрави коски. Денес сè повеќе се внимава овој витамин да е додаток на исхраната, но сепак, поминатото време на сонце е незаменливо. Сонцето го подобрува расположението и му помага на телото подобро да работи.
Придобивките од сонцето се бројни:
- Изложувањето на сонце и со тоа и добивање на потребната количина на витаминот Д ги редуцира шансите од мултиплекс склероза;
- Му помага на телото да апсорбира калциум и со тоа помага при болести на коските;
- Редуцира и превентивно делува на некои болки во мускулите;
- Помага за превенција на грип како и за неговото времетраење. Витаминот Д е есенцијален за имунолошкиот систем, така што помага за негово зајакнување;
- Позитивно влијае на менталното здравје и дава чувство на задоволство и радост
- Одредени истражувања покажуваат дека помага и при шансите за зачнување.
И покрај многуте придобивки, клучна е заштитата од сонце. УВ зраците доаѓаат од цела околина, тие се рефлектираат од предметите или од водата. Со преголемо изложување на сончевите зраци се доведувате во опасност да добиете изгореници.
Најчестите ризици од прекумерното сончање:
- Болни сончеви изгореници, црвенило и отекување;
- Претераното изложување го задушува имонолошкиот систем;
- Појава на катаракта, оштетување на очите, УВ зраците ја зголемуваат катарактата;
- Предизвикува мигрени и главоболки;
- Рак на кожа (меланом).
Запомнете дека квалитетното сончање подразбира баланс помеѓу избегнување на сонце и прекумерно изложување. Секогаш носете очила за заштита од сонце, облека со долги ракави од лесни материјали и редовно заштитувајте го лицето со капа или под чадор. Бидете внимателни со лековите бидејќи некои лекови ја интензивираат осетливоста на кожата изложена на УВ зраци. Освен добрата заштита, многу е важно и времето на изложување. Треба да се избегнува оној период од денот кога УВ зраците се најсилни, најчесто тоа е периодот од 10 до 16 часот, кога се препорачува да се избегнуваат дневни активности.
