eve-zoshto-dobivate-bolest-pri-dvizhenje-patuvanje-kinetoza-1-del_image
Споделете со пријателите!

Кинетоза настанува кога има нерамнотежа помеѓу движењето регистрирано со видот и чувството за движење во внатрешното уво.
Засегнатите лица кои страдаат од кинетоза брзо откриваат што да избегнуваат. Седење на задното седиште на автомобилот, читање во автомобил или во автобус (во возови и авиони е подобро), седење во обратен правец наназад во автобус/воз или одење под палубата на брод во екстремни услови, се ситуации кои е најдобро е да се избегнуваат ако сте склони кон оваа болест. Лековите кои контролираат повраќање и гадење (антиеметици) се основа на третманот во комбинација со лекови за болеста на движење.

Но, бидејќи предизвикуваат несакани ефекти, како што е поспаност, разумно е прво да се обидете со техники на однесување (бихејвиорална терапија), или да ги комбинирате заедно со лековите.

Десензитизација или постепено стекнување на навики, како што е на пример, изложување на искуство на вода во релативно мирни услови во подготовката за подолги и потенцијално погруби патувања со брод може да помогне. Поминување повеќе време „на палубата“, гледање во хоризонтот е исто така добар пример за техника која може да помогне.

Вообичаено постои тенденција симптомите на морска болест да се намалат по неколку дена на море. Лековите потоа можат да се намалат, па дури и да престанат. Симптомите често се враќаат кога овие луѓе се враќаат на копно, обично само еден или два дена. Широко распространето е тврдењето дека ѓумбир за џвакање е многу ефективен за купирање на симптомите но постојат други студии кои не ја потврдуваат неговата ефикасност. Некои луѓе користат ленти за рачни зглобови кои обезбедуваат акупресура и сето ова е со недостаток на докази за да се потврди научно, но некој луѓе кои ги користат соопштуваат дека симптомите се намалиле. Во 2018 беа патентирани очила со вграден хоризонт за борба со болеста на движењето. 

Лековите за кинетози се поефикасни кога се земаат превентивно, пред да започне патувањето.

Лековите кои се користат за спречување и лекување на кинетози најчесто се седативни антихистаминици или антихолинергици. Тие ги блокираат ефектите на невротрансмитерите (молекули кои пренесуваат информации), како што се хистамин, ацетилхолин и допамин во нашите центри за контрола на рамнотежа. Но, овие видови на лекови не се многу специфични. Тоа значи дека тие ги блокираат ефектите на ацетилхолин и хистамин насекаде во телото каде постојат рецептори за овие невротрансмитери.

Прочитајте:  Промена на повеќе временски зони - проблемот на секој што често патува

Ова ги објаснува несаканите ефекти како што се седација, поспаност, сува уста, запек и конфузија (особено изразено кај ранливи групи и стари лица)

Па што е најдобра опција?

Сеопфатен преглед на клиничките испитувања во 2011 година го спореди лекот скополамин како превентива со други лекови, плацебо, бихејвиорална и комплементарните терапии.

Повеќето од 14-те анализирани испитувања биле направени на здрави луѓе кои служеле во морнарица со историја на кинетоза. Жените ретко биле субјекти на испитувањето и нема направено ни една студија за деца

Иако беше откриено дека скополамин е маргинално поефективен од алтернативите, нема многу што да се истакне и врз основа на што да се предпочита препорачување на еден лек за патување пред друг. Доколку и вие сте некој што има проблем со оваа болест, разговарајте со вашиот лекар или фармацевт.

Можеби ќе треба да пробате неколку различни лекови за да го најдете оној кој најдобро функционира за вас, но секогаш консултирајте се и следете ги инструкциите за дозирање. Откако ќе се утврди дијагнозата на кинетоза, единствената опција е да се справите со неа. Лежете колку што е можно подолго, бидете сигурни дека добивате свеж воздух и фокусирајте се на хоризонтот, комбинирање на сите познати методи заедно со соодветни лекови може да ви помогнат за побрзо справување со оваа состојба.

За сите оние кои се справуваат со пролонгирани епизоди особено е важно да се сигурни дека се добро хидрирани и дека пијат доволно течности (особено ако се појави повраќање).

Ако за прв пат се соочувате со вакви симптоми кои асоцираат на кинетоза и ако вашите симптоми се поврзани со мигренозни главоболки тогаш задолжително побарајте совет од специјалист невролог за да се отфрли можноста дека оваа состојба не се должи на некое сериозно невролошко нарушување.


Споделете со пријателите!