Кинетоза настанува кога има нерамнотежа помеѓу движењето регистрирано со видот и чувството за движење во внатрешното уво (полукружните канали).
Иако се нарекува болест кинетозата е всушност состојба која се јавува при патување. Може да се јави при патување на копно (возило, воз), вода (брод, чамец) или воздух (авион). Причината поради која настанува е нерамнотежата помеѓу движењето регистрирано со видот и чувството за движење во внатрешното уво (полукружните канали). Кинетозата може да биде со благо изразени симптоми, но кај некои луѓе таа резултира со изнемоштеност и неможност да функционираат. Тоа е предизвикано од привремена дисфункција на центарот за рамнотежа во мозокот. Перцепцијата за движење од било кој вид може да доведе до појава на симптоми на кинетоза. Тие вклучуваат вртоглавица, гадење, повраќање, прекумерно лачење на плунка, брзо дишење и ладна пот. Добар податок е тоа дека, постојат стратегии и лекови што можете да ги користите за да ја превенирате појавата на овие симптоми.
Ушите и очите се исклучуваат
Додека се движиме низ просторот, повеќе видови на сензори во нашето средно уво, екстремитети и очи ги информираат нашите центри за баланс вo мозокoт за да не ориентираат. Тогаш овие извори на информации се во очигледен конфликт заради што може да се појават симптоми на болеста на движење. На пример, кај оние луѓе кои се особено чувствителни и склони, дури и гледањето на одредени филмови може да ја предизвика оваа болест, бидејќи при гледање на тие филмови нашите очи испраќаат информција дека се движиме, иако другите сензори потврдуваат дека сме стационирани. Патувањето со брод или патување со автомобил на патеки со големи кривини значи дека нашата глава и тело ќе се движат на невообичаени начини, во две или повеќе насоки одеднаш, притоа чувствувајќи ги забрзувањата, забавувањето и ротациите. Заедно сите овие фактори се силни стимулации за да предизвикаат напад на болеста на движење.
Вестибуларниот нерв во нашето уво е од централно значење за нашиот баланс.
Болеста на движењето е честа појава. Околу 25-30 проценти од луѓето кои патуваат со било какво превозно средство страдаат од неа со различно изразени симптоми. Некои луѓе се екстремно осетливи на движење и може да се чувствуваат лошо и да ги доживеат овие симптоми дури и со помали движења, како што е пливање или дури и јавање на камила. Се чини дека чувствителноста се зголемува со возраста, додека жените се повеќе склони да ги искусат овие симптоми за разлика од мажите. Постои и генетско влијание, и многу често оваа состојба коегзистира со мигрена.
Опасноста е поголема доколку се земаат други депресанти на централниот нервен систем во исто време. Ова ги вклучува опиоидите (морфин, оксикодон, кодеин), алкохол, апчиња за спиење и некои антидепресиви.
Па што е најдобрата опција? Прочитајте повеќе во следниот дел.
