dali-e-bezbedno-da-se-patuva-novorodenche-vo-avion_image
Споделете со пријателите!

Пред да одлучите да патувате со вашето бебе, треба да се консултирате со вашиот доктор.
Секој родител барем еднаш се запрашал – „Дали е безбедно да се патува во авион со новороденче“? Вообичаено се смета дека воздушниот сообраќај е безбеден за повеќето бебиња. Сепак, во зависност од многу фактори, понекогаш докторот, како и одредени авиокомпании може да инсистираат на одложување на патувањето. Оттука, пред да одлучите да патувате со вашето бебе, треба да се консултирате со вашиот доктор при што ќе земете предвид неколку важни работи.

Возраст на бебето

„Одредени компании дозволуваат патување со бебе коешто е старо барем два дена, додека други инсистираат бебето да е старо најмалку две недели.“

Кога станува збор возраста на бебето, различни авиокомпании имаат различни правила. Имено одредени авиокомпании дозволуваат патување со бебе коешто е старо барем два дена, додека други инсистираат бебето да е старо најмалку две недели за да дозволат да еден родител да патува со него. Докторите, пак, од друга страна во зависност од староста на бебето може да советуваат да не се патува со бебе кратко време по неговото раѓање освен доколку тоа е неопходно.

Всушност, новороденчињата имаат имунолошки систем којшто е во развој и патувањето во воздух може да го зголеми ризикот од заболување од заразни инфекции. Сепак доколку се одлучи да се патува со авион со новороденче се препорачува одржување на добра хигиена, често миење на рацето, користење на средства за дезинфекција, како и избегнување на контакт со болни лица во авионот.

Воздушен притисок

Промената на воздушниот притисок за време на летот кај човекот предизвикува привремени промени во притисокот на средното уво, што може да предизвика и болка во ушите. Оттука, исто како и вие и вашето бебе ќе го почувствува притисокот во своите уши при полетувањето и следувањето.

Прочитајте:  Кога е вистинско време за да му објасните на вашето дете што претставува сексот

Она што може да помогне да се изедначи притисокот во ушите на вашето бебе и да ја намали потенцијалната болка е доењето или хранењето со шише за време на полетувањето и слетувањето. Доколку вашето бебе имало инфекција во увото непосредно пред планираното патување консултирајте се со вашиот доктор дали е безбедно да лета со авион.

Дишењето на бебето

dali-e-bezbedno-da-se-patuva-novorodenche-vo-avion_image1За време на летот, воздушниот притисок во авионот е помал од воздушниот притисок на копното. Оваа привремена промена на нивото на кислород не би требало да претставува проблем за здрави бебиња. Меѓутоа, доколку вашето бебе е предвремено родено, има проблеми со срцето или белите дробови или има симптоми на воспаление на горните или долните дишни патишта, консултирајте се со докторот дали е безбедно да патувате со него во авион.

Безбедносно седиште на бебето

Иако повеќето авиокомпании обично им дозволуваат на родителите да го земат своето бебе во раце за време на летот, Федералната администрација за авијација препорачува новороденчињата да се возат на соодветни безбедносни седишта за бебиња. Имено повеќето детски седишта се сертифицирани за патување со авион, што може да биде олеснување за родителот и бебето подеднакво, особено кога станува збор за подолги летови.

Патувачка дестинација

Кога станува збор дестинацијата на којашто треба да патувате со вашето бебе се препорачува да одберете место каде што не владеат опасни и зарасни болести за коишто би била неопходна вакцинација. На пример, за бебиња помали од девет месеци се препорачува да не се патува во области каде што постои ризик за заболување од жолта треска.


Споделете со пријателите!