Бигорексија – нарушување кои се однесува на телесната градба на индивидуата и нарушена перцепција за сопствениот изглед.
Во денешно време, жените не се единствени кои се грижат за својот изглед. Се поголем е бројот на мажи кои сметаат дека не изгледаат доволно добро, поради што се подложуваат на макотрпни тренинзи. Така настанува бигорексија.
Бигорексија е термин кој настанал во деведесетите години (потекнува од англискиот збор – big голем), а се однесува на опсесивно – компулсивно нарушување, за кое се користат и термините мускулна дисморфија и мегарексија, која најмногу зафаќа мажи. Станува збор за нарушување кои се однесува на телесната градба на индивидуата – односно нарушена перцепција за сопствениот изглед.
Кој добива мускулно дисморфично растројство?
Двата рода, но повеќе мажи од жени. Бигорексијата кај мажите е обратно од анорексијата кај жените. Жените со анорексија се гледаат во огледало како по дебели од тоа што се, а мажите се гледаат по слаби. Ова се случува заради различните културно дефинирани идеали за изглед на машкото и женското тело, идеален маж е голем и силен, додека идеална жена е слаба и тенка. Речиси секој маж со бигорексија, исто така, страда од депресија.
Типични обележја:
- Проверка во огледало – бигорексичните мажи се набљудуваат и повеќе од 12 пати на ден!
- Избегнување или одложување на важни настани – родендени, слави и излегувања се организираат внимателно за да не се совпаднат со термините во теретана.
- Стриктни диети – бигорексичните мажи нема да јадат каде било, тие сами подготвуваат храна за да го контролираат внесот на протеини и јаглехидрати. Можна е и појава на булимија.
- Споредба со другите – „Дали сум доволно силен и развиен?“ Одговорот е обично негативен! и секогаш се сметаат за слаби и инфериорни;
- Стероиди – бигорексичните мажи често употребуваат стероиди и покрај тоа што знаат за нивните несакани последици – може да дојде до оштетување на црниот дроб, срцево заболување, појава на пискав глас, растење на градите, како и психички нарушувања како агресија.
- Телесна маса – бигорексичните лица сакаат да имаат поголема телесна маса која ќе биде формирана во силни мускули.
Податоците покажуваат дека дури 45% од мажите се „заразени“.
Последици од мускулно дисморфично нарушување
Постојаната преокупација со перцепираната сопствена „маленкост“ ги попречува постигнувањата во училиштето и кариерата. Луѓето со бигорексија имаат проблем со пријателствата и романтичните односи, тие не можат да се спонтани и да уживаат. Бидејќи лицето е оптеретено со изгледот, тој/таа не може да се релаксира и да ужива во животот, без да се грижи за тоа како другите луѓе може да гледаат на нивното тело и да ја критикуваат нивната вообразена малост.
Во речиси сите случаи, луѓето со мускулна дисморфија воопшто не се мали. Многумина имаат добро развиена мускулатура, а некои дури и се натпреваруваат во боди билдинг натпревари.
Луѓето со МДН не можат или нема да престанат со прекумерни вежби дури и кога се повредени. Користат стероиди за градење маса, и не се откажуваат од оваа нездрава практика дури и кога имаат несакани последици и целосно ги разберат ризиците.
Третман на мускулно дисморфично растројство
Многу луѓе со овој проблем се спротивставуваат на фактот дека го имаат ова нарушување и одбиваат третман, наведувајќи дека се задоволни со својата состојба. Некои признаваат дека се плашат дека ако се откажат од стероидите и вежбањето, тие ќе изгледаат слаби и без мускули.
Половина од луѓето со овој проблем се толку убедени во нивната физичка неразвиеност и продолжуваат со прекумерно вежбање и употреба на стероиди.
Третманот е како и кај другите дисморфични нарушувања. Когнитивно-бихејвиорална терапија во комбинација со антидепресивни лекови наречени селективни инхибитори за повторно превземање на серотонин (ССРИ). Оваа комбинација ефикасно ги намалува опсесивните мисли за изгледот, и компулсивното однесување како што е проверки пред огледало и прекумерно вежбање. Истата комбинација,може да реши и коегзистирачка депресија.
