Дознајте која е најпопуларната диета во моментов, омилениот начин на исхрана на манекенките Жизел Бундхен и Миранда Кер
Омилениот начин на исхрана на познатите, меѓу кои спаѓаат и манекенките Жизел Бундхен и Миранда Кер се вика диета 80/20. Кога ќе се спомне манекенки и диета во една реченица, првиот впечаток што се добива е дека станува збор за ригорозна диета која вклучува минимален внес на храна. Но манекенките кои што ја практикуваат оваа диета не се само манекенки, тие се јавни личности кои што се успешни на повеќе полиња и кои што практикуваат здрав начин на живот.
Што е 80/20
Станува збор за најновиот тренд во исхраната наречен 80/20, што значи дека 80 проценти од храната што ја внесувате треба да биде здрава непроцесирана храна, на база на зеленчук и овошје, додека 20 проценти може да јадете што сакате. Идејата е дека за диетата да биде успешна, таа треба да биде балансирана, односно, доколку се лишувате од нешто што го сакате за време на диетата, брзо ќе се откажете и ќе ги вратите изгубените килограми.
Како функционира
Најпрво, 80/20 не може да се каже дека е диета, туку здрав начин на исхрана. Правилото на 80 со 20 е нешто го знаат оние кои што се хранат здраво. Балансираната исхрана е клучот за здравје и не е нешто ново. Овој начин на јадење нема строги правила, не се забранети групи на храна или одредени намирници. Наместо тоа, акцентот се става на изборот на внесување повеќе здрава храна. Нутриционистката Кери Глесмен – Keri Glassman го поддржува овој животен стил и смета дека со диетата 80/20, вие се храните добро и здраво поголемиот дел од времето. Другиот клучен принцип се состои во прилагодување односно умереноста. Што значи дека слободно може да јадете од вашата омилена торта, сè додека не изедете премногу. „Сметам дека оваа диета е популарна бидејќи одговара со концептот на здрав животен стил“, истакнува Глесмен.
Негативни страни
Она што е спорно кај овој начин на исхрана, е дека никој не може точно да внимава на тие 20 проценти. Тие можат да бидат многу релативна одредница. Исто така, важно е што точно се внесува во тие 20 проценти. На пример, доколку внимавате цело време и потоа се опуштите и јадете сè што ќе видите, овој начин на исхрана нема да има ефект, бидејќи нема да се разликува од било која диета која подразбира строго придржување. 80/20 е конципирана како балансиран начин на исхрана, а не гладување и прејадување. Добра практика на 80/20 би била доколку јадете она што навистина ви е омилено, а не нездрава храна која ќе ја јадете само затоа што ви е дозволено.
Како да ја практикувате
Иако целта на 80/20 е да се отстранат строгите правила, нутриционистите предлагаат модел кој ќе придонесе 80/20 да добие структура. На пример, едно решение кое го нуди Глесмен, е да се пресметаат тие 20% од трите оброци дневно кои за седум дена би биле вкупно 21 оброк, од кои 4 оброци може да бидат храна во која уживате. Исто така, добра практика е и планирањето на оброците, со цел да не паднете во искушение. Диететичарката Рејчел Хартли – Rachael Hartley, смета дека 80/20 може да биде многу здрав начин на исхрана бидејќи го менува начинот на размислување во врска со храната и поттикнува здрав однос кон неа.
Таа, исто така, истакнува дека за да се биде здрав, не значи да јадете совршено правилно, отстапки се дозволени и потребни.
Совет од познатата готвачка за здрава храна, Тереза Катер – Teresa Cutter, e доколку сакате да ослабете практикувајќи го режимот 80/20, не заборавајте да вежбате неколку пати неделно, за да изгубите масти наместо мускули. Таа додава дека не треба да заборавите на време за одмор и опуштање, а тоа значи да се придржувате на препорачаните 8 часа сон.
