Доаѓање на нов член во семејството ризик фактор за психичкото здравје на таткото
Вознемиреноста што се случува околу раѓањето на новото дете во семејството е распространета исто толку и кај татковците како и постпарталната депресија кај мајките. До овој заклучок дошла д-р Лиана Лич од Австралискиот национален универзитет за анализа на податоци од 43 независни студии, кој покажале дека анксиозноста пред и по раѓањето на бебето, е исто толку распространета како и депресијата, засега еден на секои десет мажи и околу половина од жените, студијата е објавена во Journal of Affective Disorders.
„Мажите велат дека се чувствуваат напуштени, бидејќи бременоста и породувањето се толку директно поврзани со мајката“, коментира д-р Лич и додава дека многу често проблемите се продлабочуваат од причина што повеќето луѓе не бараат помош за да се справат со состојбата. Причините за анксиозност и депресија околу пристигнувањето на новото бебе сè уште не се добро разбрани. Повеќето истражувања во оваа област, сепак, покажуваат дека над 20 проценти од родителите страдаат од анксиозност или депресија. „Се разбира, раѓањето на дете освен со радосни емоции, секогаш е придружено и со стрес. Тоа е период на адаптација и промени во домот, во режимот и во начинот на живот на семејството. Сето ова може многу да ја наелектризира атмосферата, но анксиозноста може да стане проблем кога трае долго време и го спречува секојдневното функционирање“, објаснува д-р Лич.
Симптомите на анксиозност може да вклучуваат постојана анксиозност, иритација и страв за безбедноста на бебето. Меѓу почестите физички симптоми се забрзан пулс, прекумерното потење, слабиот сон и лошиот апетит. Паровите треба да се свесни за ризиците за менталното здравје и да побараат стручна помош за своите проблеми, колку порано го сторат тоа, толку подобро е за нивното здравје, но и за спокојството на сите членови на семејството. Фактори на ризик за развој на анксиозност по раѓањето на ново дете се недостаток на социјална поддршка, особено кон партнер со финансиски тешкотии или проблеми со менталното здравје. Здравствената заштита за време на перинаталниот период треба да биде за целото семејство подеднакво.
