r20-laser-odstranuvanje-na-tetovazi
Споделете со пријателите!

Преку серии на третмани временски распределени на дваесетина минути R20 дозволува да се направат повеќе третмани во еден ден
Отстранувањето на тетоважи се изведувало на најразлични начини низ историјата на тетовирањето. Додека тетоважите едно време ги сметаа за трајни, сега е возможно истите да се отстранат делимично или целосно.

Иновации во протоколот на ласерскиот третман

R20 ласерскиот протокол за отстранување на тетоважи е нов иновативен метод при отстранувањето на несаканите тетоважи. Преку серии на третмани временски распределени на дваесетина минути, R20 дозволува да се направат повеќе сесии во еден ден. Истражувањата покажуваат дека доколку R20 ласерскиот протокол правилно се изведува, може да ја убрза процедурата на отстранување на тетоважата без несакани ефекти.

Стандардниот ласерски протокол на отстранување на тетоважи како и R20 ласерскиот протокол како методи функционираат сосема исто, односно го растураат мастилото (бојата) од тетоважата која се наоѓа во дермалниот слој на кожата.

Стандардниот ласерски протокол дозволува по еден третман на секои 6 до 8 недели, овозможувајќи му на имунолошкиот систем доволно време да реагира на последиците од самата постапка, а воедно и телото да се ослободи од растуреното мастило.

На R20 ласерскиот протокол му се потребни четири ласерски третмани кои можат да бидат временски распределени на дваесетина минути односно процедурата да се заврши во еден ден.

Кога се користи R20 ласерскиот протокол на докторите им се препорачува да користат пониско ниво на енергија која е за 50% до 75% помала од стандардниот протокол за да се намали ризикот при третманот и никогаш да не се користи ласер со бранова должина од 532 nm.

20 минутното чекање помеѓу третманите е важен дел од самиот процес. Чекањето овозможува т.н. ласерско „замрзнување“ кое се јавува на кожата како реакција на Q-switched ласерскиот третман да се намали, со што се овозможува следниот ласерски пулс да биде ефективен.

Во многу случаи, особено кај лица со потемна кожа ласерското „замрзнување“ може да биде видливо подолго време ( до еден час и повеќе). Во тие случаи докторите може да почекаат и подолго помеѓу индивидуалните ласерски сесии, а со тоа да се оддолжи и целата процедура.

Прочитајте:  5 работи што нè прават да се чувствуваме уморни

Споделете со пријателите!