intervju-filip-ackoski-za-pharmanews
Споделете со пријателите!

На четвртиот Дормирин едукациски викенд во Струга, PharmaNEWS.mk направи интервју со регионалниот директор на PharmaS – Мр.фарм. Филип Ачкоски, со кого разговаравме за тековните промотивни активности на кои работи, како и за потребата за квалитетна медицинска едукација во Македонија и за поддршката која неговата компанија ја дава во тоа поле

Што опфати 4тиот Дормирин едукациски викенд кој се одржа во Струга? Кои беа темите и за што се дискутираше?

Четвртиот Дормирин едукациски викенд кој се одвиваше во периодот од 20-22.03.2015 во Хотел Дрим во Струга е дел од едукациските активности на здравствените работници кои ги врши PharmaS во Македонија. Присутните лекари и фармацевти можеа да ги слушнат современите терапевстки пристапи за повеќе актуелни здравствени теми: Несоница, Уринарна инконтиненција, Алергиски ринитис, Хипертензија, Менопауза, Примена на пробиотиците, Пролетни вртоглавици и др.

Што е Дормирин и зошто се употребува?

Дормирин е додаток на исхраната на природна база кој благодарение на комбинацијата на мелатонин, валеријана и маточина го олеснува заспивањето и одржувањето на мирен сон.

Колку кај нас во Македонија има простор за медицинска едукација? Дали според тебе доволно се едуцирани здравствените работници за новите трендови во здравството?

Во Македонија здравствените работници се подложени на континуирана и систематска медицинска едукација организирана како од државните институции и стручните здруженија, така и од страна на фармацевтските компании. Секако дека постои простор за унапредување и на ова поле пред се преку воведување на нови лекови и терапии во кој поглед реално заостануваме зад западневропските држави.

Доволно ли е информирано населението за сите новости од областа на медицината и фармацијата?

Во последната деценија значајно се подигна свеста кај обичниот човек за здравствените проблеми. За ова придонесоа новите технологии и пред се поголемата достапност на информациите. Сепак за жал ова носи и свои негативни ефекти, бидејќи до обичниот граѓанин стигнуваат голем дел непроверени, непотврдени или лошо интерпретирани здравствени тврдења кои честопати предизвикуваат заблуди и нејаснотии.

Прочитајте:  ИНТЕРВЈУ со Ана Поп Стефанија: Бројот на тестирани лица за ХИВ е исклучително низок!

Ваш поглед за отворањето на новиот македонски портал PharmaNEWS.mk?

Како здравствен работник можам само да го поздравам отварањето на PharmaNEWS.mk, за кој се надевам дека ќе ја збогати понудата како во делот на информации за здрав живот така и во делот на важни тековни информации за самите здравствени работници. Според она што можам да го видам за почеток охрабрен сум дека порталот PharmaNEWS.mk ќе внесе нов импулс во етерот, не само со одлично одбраното име и дизајн, туку и преку пласираните проверени стручни факти.

На што треба да се стреми и насочува порталот, Вашата сугестија како порталот подобро да се доближи до населението и медицинските работници?

Сметам дека за обичниот читател е најзначајно порталот да биде редовно ажуриран со актуелни (сезонски) медицински проблеми и нивни решенија. За здравствените работници би бил портал од избор доколку претставува генератор за значајни информации кои сега се принудени да ги бараат на повеќе веб страни. Клучен елемент секако е квалитетна, концизна и проверена здравствена информација која би им помогнала на читателите да решат определен здравствен проблем или би ги упатила навреме кон здравствените установи. Имајќи ја во предвид обемноста на темите и сериозниот пристап не се сомневам, дека PharmaNEWS.mk многу брзо ќе стане “homepage” за многу читатели.


Споделете со пријателите!