prvi-znaci-za-prvi-pochetoci_image
Споделете со пријателите!

Првото запче е голем настан во животот на секое малечко
Првото запче престставува навистина голем настан во животот на вашето малечко, но тој настан зане да биде и мошне непријатно искуство. Многу деца нема да искусат никакви проблеми кога ќе излезе нивното првенче. Колку вие како родители повеќе знаете, толку подобро ќе можете да му помогнете на вашето бебе да го помине побезболно тој период. Педијатарот континуирано ќе ги следи забите на вашето бебе и ќе одлучи доколку е потребна посета на стоматолог пред возраст од 1 година. Кај деца со низок ризик, педијатарот може да продолжи да ги прегледува забите до 3-та година.

Симптоми за излегување на прво запче

Симптомите не се исти за секое бебе, но може да вклучуваат:

  • Отечени, болни непца;
  • Раздразливост и плачење;
  • Благо покачена температура (до 38 степени);
  • Промени во начинот на јадење или спиење.
„Плачењето, несоницата, немирниот сон во текот на ноќта и појавата на блага треска се исто така симптоми на растење на заб.“

Нивото на болка што може да поднесе е различно за секое дете. Се чини дека некои страдаат повеќе од другите. Избивањето на првото запче може да предизвика знаци и симптоми во устата и непцата, но не предизвикува проблеми на друго место во телото. Болката и отекувањето на непцата е причина за болката што ја има бебето за време на оваа промена. Овие симптоми обично започнуваат околу три до пет дена пред да се појави запчето, и тие исчезнуваат веднаш штом запчето ќе ја пробие кожата. Плачењето, несоницата, немирниот сон во текот на ноќта и појавата на блага треска се исто така се во корелација со оваа состојба. Појавата на прво запче може да започне уште во 3от месец и да трае до третиот роденден на детето. Некои забележителни симптоми за раст на забите, вклучуваат џвакање на прсти или играчки, бидејќи тоа му помага во олеснување на притисокот врз непцата. Бебињата, исто така, може да одбијат да јадат или пијат поради чувството на болка. Повлекувањето на ушите е уште еден знак на болка; болката во устата се шири на целата глава на бебето, така што тие ги повлекуваат ушите верувајќи дека со тоа ќе си обезбедат олеснување. Симптомите генерално самостојно ќе исчезнат, но педијатарот треба да биде известен доколку тие се влошат или се постојани. Млечните заби имаат тенденција да се појават порано кај женски отколку кај машки деца. Точната шема на појава и времето на почеток се чини дека се наследни.

Кои заби први се појавуваат:

  • Долните централни инцизиви (секачи) (2) на приближно 6 месеци;
  • Горните централни инцизиви (2) на приближно 8 месеци;
  • Горните странични инцизиви (2) на приближно 10 месеци;
  • Долните странични инцизиви (2) на приближно 10 месеци;
  • Први молари (катници) (4) на околу 14 месеци;
  • Канини (песјаци) (4) на приближно 18 месеци;
  • Втори молари (4) на приближно 2-3 години.

Корисни совети како избивањето на забите да биде побезболно за вашето малечко

Повеќето бебиња ќе развијат заби помеѓу 6. и 12. месец.

Има широк спектар на варијабилност кога ќе се појави првиот заб – некои бебиња немаат заби ни до првиот роденден! На повеќето бебиња првото запче излегува меѓу 4-7 месеци. Но, имало случаи кога започнувањето било многу подоцна. На возраст од околу 3 месеци, бебињата ќе започнат да го истражуваат светот во устата и да ја зголемат плунката, па љубопитно ќе започнат да ги ставаат своите раце во неа. Многу родители се прашуваат дали тоа значи нешто, но првото запче обично се појавува околу 6от месец. Обично, првите заби што излегуваат се скоро секогаш долните предни заби, а повеќето деца обично ги имаат сите заби кога достигнуваат возраст од 3 години.

Масирањето на болните непца може да помогне во смирување на болките на вашето бебе.

Бебињата може да покажат знаци на непријатност во пределот каде што излегува забот, односно непцата околу забот може да бидат отечени и нежни, а бебето може да стане раздразливо, многу повеќе од вообичаеното. Родителите можат да помогнат во олеснување на болките, масирајќи ги непцата на своето бебе со чисти прсти. Честопати, нешто ладно во устата на вашето бебе помага. Обидете се со ладна цуцла или лажичка. Доколку го доите вашето бебе, обидете се да ги натопите прстите во ладна вода и да ги масирате непцата пред секое хранење. Ова може да ја спречи да не гризе брадавица додека доите.

Прочитајте:  Зелена столица – симптом на гладно бебе или друга состојба?

Дајте му на вашето бебе нешто да џвака, но внимателно.

Во овој период, бебињата особено сакаат да џвакаат. Во ред е да го оставите вашето бебе да џвака колку што сака. Само проверете што става во устата и дали предметот што го става е безбеден и чист;

Флуорид треба да се додаде во исхраната на вашето дете на возраст од 6 месеци.

Флуорид е минерал кој помага во спречување на расипувањето на забите со тоа што делува врз емајлот на забите. Флуоридот обично не се наоѓа во повеќето флаширани води. Сепак, зборувајте со вашиот педијатар за да утврдите дали водата од чешма содржи флуор или дали на вашето дете му требаат додатоци на флуорид.

Не користете таблети за заби, особено не гелови со бензокаин. 

„Мала доза на средство за болка, може да му помогне на вашето бебе.“

Останете подалеку од таблетите за заби беладона или гелови со бензокаин. Беладона и бензокаин се продаваат за намалување на болката на вашето дете, но укажани се предупредувања и за обете заради нивните потенцијални несакани ефекти. Мала доза на средство за болка на децата, како што се ацетаминофен или ибупрофен, може да му помогне на вашето бебе. Но, прашајте го вашиот лекар пред да му дадете какви било лекови и користете го лекот онака како што кажал лекарот.

Појавата на треска не е секогаш индикација дека расте првото запче.

Потребна е консултација со вашиот лекар ако вашето бебе има дијареја, повраќање, осип на телото, висока температура или појава на кашлица. Постои ризик дека појавата на треска (температура над 38 степени) всушност се должи на друго заболување, особено инфекција со херпес вирус. Сосема случајно, примарната ерупција на забите започнува приближно исто време кога новороденчињата ја губат заштита на мајчините антитела против вирусот херпес. Исто така, во присуство на оваа инфекција, се појавуваат симптоми кои се во согласност со примарната орална херпетична инфекција како што се треска, раздразливост, несоница и потешкотии со јадење (многу слични со оние кога излегува првото запче). Во секој случај, разговарајте со вашиот педијатар за давање на соодветна доза во милилитри на ацетаминофен (на пр. Тиленол) по килограм телесна тежина или ако детето има повеќе од 6 месеци, може да се даде ибупрофен.

Штом вашето дете го доби првото запче, потребно е да ги четкате непцата двапати на ден со паста за заби со флуорид со големина на грашок, особено после пијалок или по оброк. Кога вашето дете е во можност, научете го како да го исплука вишокот паста за заби. Запомнете да не го ставате вашето бебе во кревет со шише со млеко – тоа може да доведе до расипување на забите. Најдобро е ако ја ставате пастата за заби на четката додека вашето дете не наполни 6 години. Родителите треба да го следат и да му помагаат на своето дете во оваа навика се додека наполни 7 или 8 години.

Закажете го првиот преглед кај стоматолог откака ќе се појави првото запче.

Обидете се да го закажете првиот преглед вашето бебе по излегувањето на првото запче. Неговиот стоматолог ќе се погрижи сите заби да се развиваат нормално и да нема дополнителни проблеми со забите. Ќе ви бидат дадени и дополнителни совети за соодветна хигиена.


Споделете со пријателите!