najcesti-izgovori-za-da-se-izbegne-vezbanjeto_image1
Споделете со пријателите!

Што да направите ако претерате во салата за вежбање
Колку многу е премногу? Кога станува збор за вежбање, веројатноста дека ќе претерате до сериозни граници коишто може да ви го нарушат здравјето, е многу мала. Ваквото интензивно вежбање кое води до сериозни повреди е карактеристично за професионалните спортисти коишто тренираат два пати дневно, а не за рекреативците. Оние коишто рекреативно вежбаат и сметаат дека го даваат својот максимум, најчесто и не вежбаат толку напорно колку што мислат, сметаат тренерите.

Всушност, да се бараат границите на издржливост при вежбање е позитивна практика, бидејќи станувате силни не само физички, туку и психички.

Со напорното вежбање, го тренирате умот и психичката подготвеност да се чувствувате удобно во неудобноста од напорното вежбање. Откако ќе преминете преку физички граници за коишто сте мислеле дека не се возможни, ќе се чувствувате самоуверено и ментално силно. Совет плус, доколку навистина сакате напорно да вежбате и да ги истражувате границите на вашата физичка сила, најдобро е да вежбате со помош на професионален тренер.

Грешки во теретана кои водат до повреди и воспаление на мускули

Овде станува збор за тогаш кога ќе претерате а не сте физички подготвени. Ова најчесто им се случува на почетниците и на оние коишто нередовно вежбаат. Не ги игнорирајте малите повреди како резултат на лоша физичка форма. Воедно, да намалите со напорно вежбање не значи дека треба да подигате полесни тегови, туку значи квалитетен одмор, со цел соодветно опоравување. Најчести грешки се:

  • Не се загревате и не се истегнувате;
  • Прескокнувате часови и вежбате само кога сакате;
  • Поминувате повеќе од еден час во теретана подигајќи тегови;
  • Немате поставено фитнес цел;
  • Вежбате само еден вид на вежби и не го менувате режимот на вежби;
  • Вежбате секој ден.

Доколку сте постојано во болка или пак не постигнувате резултати според напорот на вежбање, значи дека можеби сте претерале. Ви нудиме неколку предлози што да направите ако ве болат мускулите и ако чувствувате дека сте претерале со вежбањето.  

Прочитајте:  Зошто тренингот за сила е добар за вашето здравје

Ладни облоги наместо топол туш

Колку и да е непријатно чувството да држите ладна облога на болното место, издржете. Мразот ги стеснува крвните садови, а со тоа се надминува болката, се олеснува воспалението и се ограничува појавата на модринки.

Останете активни

Не легнувајте во кревет, не сте болни. Останете активни и занимавајте се со активности коишто не бараат голем физички напор, како возење велосипед, шетање во парк. Активноста со мал напор ден после напорен тренинг, ќе го стимулира протокот на крв во мускулите и ќе помогне во процесот на заздравување. Запомнете, одморот и времето за опоравување, е подеднакво важно колку и самото вежбање.

Време за опоравување

Оптимално време за опоравување се смета дека е 36 часа. Слушајте го своето тело, доколку не се чувствувате добро, не вежбајте. Доколку не си дадете време мускулите да се опорават, не само што ризикувате повреди, туку и нема да имате резултати при вежбањето, поточно ќе дојдете до стадиум на застој, односно плато ефект.  

Внимавајте на калориите

За времето кога се опоравувате, не внесувајте исто калории колку што внесувате додека вежбате. Внесувајте јаглехидрати, протеини и здрави масти.

Мерачи на пулс

Зголемениот пулс значи дека сте претерале со вежбање. Мерачот за пулс користете го редовно сè додека не ви се стабилизира пулсот. Стабилниот пулс е индикатор дека сте се одмориле.

Побарајте професионална помош

Личен тренер ќе ви направи индивидуална програма за вежбање со соодветно време за закрепнување заедно со нутритивен план. Секако, оваа опција е наједноставна, но е потребно да одделите средства од вашиот буџет. Во секој случај, ако сакате напорно да вежбате и да добиете најдобри резултати, ангажирање тренер е најдобрата опција.


Споделете со пријателите!