Споделете со пријателите!
Направете вкусно крцкаво колаче со овошје
Ова колаче случајно е направено со капини, бидејќи се нашле во замрзнувачот, но кое сигурно би било исто толку вкусно и со други пролетни или летни овошја, свежи или замрзнати. Изборот е ваш и бидете сигурни дека нека да погрешите без оглед за какво овошје ќе се одлучите да додадете.
- 200 г сенаменско брашно;
- ¼ шолја сончогледово масло;
- 1 лажица мед;
- 1 лажица путер од какао;
- 1 кесичка ванила;
- 1 лажиче прашок за пециво;
- 40-50 г ’ржани снегулки.
Ставете ги сите состојки, освен снегулките, во сецко и пуштете го да врти додека сé не се измеша убаво. Путерот од какао на собна температура е во цврста состојба. Искршете го на поситни парчиња и ставете го во сецкото да се сомеле и измеша со другите состојки. Мешавината ќе биде сува и како ронки, ама ако ја притиснете, се лепи. Додајте ги ’ржаните снегулки и промешајте со лажица или со рака. Притиснете го тестото на дното од тавче со димензии отприлика 30 х 17 cm, намачкано со малку масло или путер.
- околу 400 г замрзнати капини, неодмрзнати;
- скоро цело лажиче мелен цимет;
- малку мелено каранфилче;
- ½ лажица нишесте врз тестото + ½ лажица врз капините;
- 1 лажица шеќер;
- Посипете половина лажица нишесте врз тестото, распоредете ги капините рамномерно, па посипете ги со зачините, шеќерот и втората половина лажица нишесте.
За горниот слој:
- 100 г ’ржани снегулки;
- 1 лажица мед;
- 2 лажици путер од какао;
- 75 г лешници;
- ½ лажиче мелен цимет;
- 1 лажица сенаменско брашно;
- Ставете ги сите состојки за горниот слој во сецкото и пуштете ги да вртат кратко, нека останат парченца лешници. посипете ја мешавината врз капините.
Ставете го колачето да се пече во рерна загреана на 175°C околу 30-35 минути, додека површината не се зарумени. Рецептот е прилагоден од тука.
* рецептите со во целост преземени од ситно сецкано
Споделете со пријателите!
