Најчест проблем кој може да се појави кај бебињата поради недостаток на пробиотици се коликите
Пробиотици се добрите бактерии кој се наоѓаат во храната и чија функција е одржување на правилна функција на гастроинтестиналниот тракт. Тие се дел од цревната флора и доколку од било која причина дојде до нивно уништување, најчесто настанато поради антибиотици, неправилна исхрана, инфекција итн. следуваат низа последици кои го нарушуваат нашето здравје и нормалниот начин на живот. Недостатокот на пробиотици (добрите бактерии) може да доведе до: дијареа, болки во стомакот, намален имунитет итн. Кај бебињата најчест проблем кој може да се појави поради недостаток на пробиотици се коликите.
Коликите претставуваат проблем кој се јавува кај повеќе од 20% од децата и претставува состојба во која децата испуштаат гасови, имаат грчеви во стомакот и доведуваат до непрекинат плач. Доколку се соочите со ваква ситуација кај вашето бебе потребно е веднаш да почнете со давање на пробиотици, притоа би требало да се запази кој вид на пробиотик се дава за најбрзо да се видат резултатите и организмот на бебето да се врати во нормала. Кај бебиња најчесто истражуван, а воедно и најчесто користен пробиотик кој дава значителни резултати уште во првата недела на користење е Lactobacillus reuteri. Тој е првиот бактериски вид кој се развива во организмот на бебето и неговата ефикаснот е потврдена од преку 200 клинички студии. Овој вид најчесто се користи кај бебиња на возраст од 0 до 6 месеци и дава најбрзи резултати. Покрај намалување на болките и подобрување на микрофлората Lacstobacillus reuteri придонесува за намалување на плачот кај бебињата за 2-3 часа. Кај бебињата над 6 месеци во зависност од потреба и индикацијата најчесто користени и истражувани пробиотски култури се Lactobacillus rhamnosus, Lacstobacillus acidophilus, Saccharomyces boulardi и Bifidobacterium lactis. Овој вид на пробиотици најчесто се користат при состојби како што се: дијареа, дијареа предизвикана од антибиотици, превенција од дијареа, подобрување на имунитет, опстипација, синдром на иритабилни црева, кронова болест итн.
Со правилноте користење на пробиотиците и секојдневен внес на пробиотици родителите може значително да придонесат за здравјето и квалитетот не само на бeбето туку и на самите себеси. Како што напоменавме до сега изборот на пробиотик во зависност од ситуацијата е нешто на што родителите треба да обрнат внимание. На пазарот постојат пробиотици кој бараат посебен начин на чување (во ладилник) при што неправилно чување може да доведе до намалување на дејството односно намалување на бројот на пробиотици во една доза. Lactobacillus reuteri, Lactobacillus rhamnosus, Lacstobacillus acidophilus, Saccharomyces boulardi и Bifidobacterium lactis не спаѓаат во оваа група и затоа се погодни за носење во вашата патна аптека со што при појава на првите симптоми веднаш ќе може да се започне со третман.
М-р фарм. Лири Шеху
