Важно е луѓето да го разберат потенцијалното влијание на прекинот на редовното вежбање врз нивната ментална благосостојба.
Познато ни е дека соодветна физичката активност е многу важна за физичкото и за менталното здравје, но знаеме ли што може да се случи со нашето тело кога ќе престанеме да вежбање?
Едно ново истражување сугерира дека прекинот на физичката активност може лошо да влијае на вашето здравје и, воедно, да го зголеми ризикот од заболување од депресија. Оттука, пред да престанете со физичката активност којашто ја практикувате неколку пати неделно имајте предвид дека тоа може негативно да се одрази на вашето здравје.
Сегашните препораки од институциите за јавно здравје се физичката активност да практикува во повеќето, дури доколку е можно во сите денови во неделата. Најмалку 150-минутно вежбање со умерен интензитет се препорачува неделно да се одржува здравјето и да се спречи депресија, додека најмалку 75-минутно интензивно вежбање се препорачува за дополнителни здравствени придобивки.
Студијата чијшто предмет на истражување било влијанието на вежбањето на севкупното здравје на човекот вклучила 152 возрасни луѓе коишто престанале да вежбаат по активен период во кој практикувале барем 30-минутно вежбање, три пати во неделата, најмалку три месеци.
„Во некои случаи, по само три дена по прекинувањето со вежбање симптомите на депресија значително се зголемија“, вели истражувачот Бернхард Бауне, од одделот за психијатрија на Универзитетот во Аделаида, Австралија.
„Други студии покажаа дека симптомите на депресија кај луѓето се зголемуваат по првата или по две недели, што е исто така релативно краток период по прекинот со вежбање“, додаде тој во соопштението за студијата.
Интересно е тоа што симптомите на депресија кои се развивале откако испитаниците престанале со физичка активност се случиле без присуство на типичните биолошки индикатори за кои најчесто е забележана поврзаност со симптомите на депресија.
„Ова сугерира некаков нов ефект во овие случаи, иако овде треба да се додаде одредена претпазливост, бидејќи бројот на луѓе вклучени во студиите што ги испитувавме беше мал. Таквите наоди ќе треба да се повторат во дополнителни испитувања“, рече тој.
Според Бауне, додека голем број на студии докажале дека редовното вежбање може да ги намали симптомите и да ја лекува депресијата, малку внимание било посветено на обратната врска, односно какво влијание има непрактикувањето на физичка активност.
Сепак новата студија не докажува дека прекинот на вежбање всушност предизвика депресија, туку дека постои поврзаност помеѓу двете.
„Засега е важно луѓето да го разберат потенцијалното влијание на прекинот на редовното вежбање врз нивната ментална благосостојба“, рече Бауне.
Студијата ќе се објави во јулското издание на дневникот „Journal of Affective Disorders“.
