del-od-mozokot-sto-obrabotuva-negativni-nastani-e-povrzan-so-depresija_image
Споделете со пријателите!

Лицата со помала хабенула и во двете групи имале тенденција кон повеќе симптоми на анхедонија, губење на интерес или задоволство во животот
Делот од мозокот одговорен за реагирање на непријатните искуства има спротивна реакција на очекувањата на лошите настани кај луѓето со депресија во споредба со здравите возрасни индивидуи, открива една нова научна студија од Универзитетскиот колеџ во Лондон.

Студијата објавена во зборникот Molecular Psychiatry, откри дека делот во мозокот наречен  хабенула со големина на зрно од грашок, функционира неправилно кога лицето има депресија.

Истите научници претходно покажаа дека хабенулата била активирана кај здравите волонтери кога тие очекувале да добијат електричен шок. „Познатата теорија сугерира дека хиперактивната хабенула ги причинува симптомите кај луѓето со депресија: ние тргнавме да ја тестираме оваа хипотеза. Изненадувачки, го забележавме потполно спротивното од она што го предвидовме. Кај луѓето со депресија, активноста на хабенулата се намалила кога тие мислеле дека ќе добијат електрошок. Ова покажува дека кај депресивните луѓе хабенулата реагира на сосем различен начин. Иако сè уште не знаеме како или зошто ова се случува, јасно е дека теоријата има потреба од ревизија“ – вели главниот автор на студијата професорот Џонатан Роајзер – Jonathan Roiser од Институтот за когнитивна неврологија.

Научниците сугерираат дека хабенулата има заштитна улога против депресија.

Истражувачите ги скенирале мозоците од 25 лица со депресија и 25 лица кои никогаш немале депресија, користејќи функционална магнетна резонанса со висока резолуција – fMRI. На испитаниците им била покажана секвенца од апстрактни слики додека лежеле во скенерот. Различните слики биле асоцирани со шанса за различен исход – без разлика дали добар или лош. Истражувањето покажа дека сликите кои предвидувале електричен шок, предизвикуваат активација на хабенулата кај здравите волонтери, но ја намалувале активацијата на овој дел од мозокот кај депресивните луѓе.

„Улогата на хабенулата кај депресијата е многу посложена“

„Улогата на хабенулата кај депресијата е јасно многу посложена отколку што претходно се сметаше. Од ова експериментално fMRI снимање ние можеме да донесеме заклучоци за ефектите што предвидените електрошокови ги имале врз активацијата на хабенулата кај депресивните индивидуи во споредба со здравите волонтери.

Прочитајте:  Ви се случило ли и вам несвесно да повторите некоја акција што гледате дека се изведува?

Ние можеме само да шпекулираме за тоа како оваа деактивација е поврзана со симптомите, но тоа може да биде така што овој дел од мозокот всушност игра заштитна улога против депресијата. Експериментите врз животни покажаа дека стимулирањето на хабенулата доведува до избегнување и возможно е ова да се случи за ментални, но и за физички негативни настани. Значи едно можно објаснување е дека хабенулата може да ни помогне да се справуваме со негативни мисли или спомени и кога ова е нарушено го добиваме прекумерниот негативен фокус, што е честа појава кај депресијата“ – објаснува професорот Џонатан.


Споделете со пријателите!