Луѓето со дијареа не треба да одат во базени, а оние во базените треба да избегнуваат голтање на таа вода бидејќи паразитот може да ја преживее дури и третираната вода со отпорност на хлор и некои хемикалии.
Федералните претставници за јавно здравје во Америка ги повикуваат луѓето да преземат мерки на претпазливост за да се заштитат од микроскопски паразит кој може да живее со денови во базен и водни површини и да предизвика тешки цревни проблеми. Центрите за контрола и превенција на болести (CDC) објавија извештај минатата на почетокот на јули за зголемениот број на епидемии предизвикани од фекалниот паразит Cryptosporidium, попознат како „Crypto“. Ова е паразитот, кој е честа причина за епидемии на болести поврзани со водата во САД, предизвикува криптоспоридиоза, болест која се карактеризира со гадење, повраќање и „водена дијареа“ која може да трае со недели. Иако во повеќето случаи не е потребен медицински третман, експертите за јавно здравје предупредуваат дека паразитот може да претставува поголем ризик за луѓето кои се особено млади или стари или кои имаат компромитиран имунолошки систем и се изложени на зголемен ризик да добијат „животно загрозувачка неухранетост“. Предупредувањето произлезе од неодамнешниот Извештај за морбидитет и морталитет на ЦДЦ, кој укажа на просечно зголемување на бројот на случаи на криптоспоридиоза за 13 проценти секоја година од 2009 до 2017 година. ЦДЦ соопштува дека во текот на изминатата деценија во САД имало повеќе од 400 пријавени епидемии, што довело до приближно 7.500 лица да се разболат. Од нив, повеќе од 200 лица биле хоспитализирани, а едно лице починало како резултат на болеста, според извештајот. Најчеста причина за појава на епидемии беше проголтувањето на контаминирана вода од места за рекреација, велат истражувачите. Во околу 35 проценти од епидемиите, болестите биле поврзани со базени и игралишта, според извештајот. Контактот со заразен добиток изнесува околу 15 проценти, а контактот со заразени лица во установите за грижа за деца изнесува околу 13 проценти, се вели во извештајот.
Микеле Хулса, која ја предводи Здравствената пливачка програма на ЦДЦ, минатата недела објави дека „малите деца можат сериозно да се разболат и лесно да го шират крипто паразитот“. „Тие не знаат како да го користат тоалетот и како да ги мијат рацете“, рече таа. „Но ние како родители можеме да преземеме чекори за да ги одржиме нашите деца здрави кога се во вода, околу животните или кога ги носиме во различни установи за грижа и играње на децата“. Cryptosporidium живее во цревата на заразени лица и животни кои ја шират формата на паразитот во нивниот измет. Експертите за јавно здравје велат дека дури и мали траги од заразена фекална материја на рацете или костими за капење можат да ја контаминираат храната, пијалаците или базените – при што другите може да се заразат. Симптомите на криптоспоридиозата обично почнуваат да се појавуваат во рок од околу 2 до 10 дена по стекнувањето на инфекцијата. Клиничката слика се карактеризира со дијареа, гадење и повраќање, другите симптоми се треска, болки во стомакот, дехидрација и губење на тежината.
Боби Притт, лекар и ко-директор на Лабораторијата за ветеринарни болести на Клиниката Мајо, изјави дека паразитот може да е ендемичен и дека може да се заразат луѓе во базени бидејќи паразитот може да ја преживее дури и третираната вода со отпорност на хлор и некои хемикалии. Таа рече дека луѓето со дијареа не треба да одат во базени, а оние во базените треба да избегнуваат голтање н а таа вода. Притт додаде дека добитокот, исто така, може да е заразен со паразитот, така што луѓето што посетуваат зоолошки градини треба да ги мијат рацете после допирање на животните. Другите мерки на претпазливост вклучуваат задржување на болните деца со дијареа подалеку од водата, како и од градинки игротеки и површини за играње; миење на рацете со сапун, а не со влажни марамици или рачни дезинфиценси; и отстранување чевлите со коисте газеле околу стоката пред да влезете во вашиот дом.
