bazenite-plastichni-topki-za-deca-izvor-na-bakterii_image
Споделете со пријателите!

Популарноста на базените со пластични топки се зголеми од 1980-тите кога започнале да се користат во ресторани, игротеки и други простори со детски катчиња.
Нова студија објавена во дневникот „American Journal of Infection Control“ сугерира дека базените исполнети со пластични топки за играње коишто може да се најдат во различни простори за деца, вклучувајќи ги и игротеките, може да бидат извор на различни микроби, од кои некои се поврзуваат со инфекции во крвта, сепса и менингитис.
Популарноста на базените со пластични топки се зголеми од 1980-тите кога започнале да се користат во ресторани, игротеки и други простори со детски катчиња, вклучувајќи и клиниките каде што лежат и се лекуваат деца.

Истражувачите од Универзитетот во Северна Џорџија за студијата избрале помеѓу 9 и 15 базени со топки сместени во различни клинички установи во Џорџија за да ги идентификуваат присутните микроорганизми.

Заедно со нечистотијата, траги од измет или урина што понекогаш се видливи во ваквите катчиња за играње, тимот пронашол и бројни бактериски видови, вклучувајќи нормални бактерии на човечка кожа и т.н. опортунистички патогени. Имено, тимот открил 31 бактериски вид и 1 вид квасец. Девет од микроорганизмите биле опортунистички патогени, вклучувајќи осум патогени бактерии и еден патоген квасец. Помеѓу идентификуваните бактерии поврзани со човекот биле „Enterococcus faecalis“, за која се знае дека предизвикува инфекции на септикемија, менингитис и инфекции на уринарниот тракт, „Staphylococcus homini“ која може да предизвика инфекции на крвотокот и „Streptococcus oralis“, или т.н. златен стафилокок, за која е познато дека предизвикува инфективен ендокардит и стрептококен шок.

„Базените со пластични топки често се користат во клиниките за физикална терапија за да се обезбеди стимулација за деца со моторни оштетувања. Сепак, не постојат национални стандарди или протоколи за чистење на овие катчиња. Помеѓу периодите на чистење може да поминат неколку дена или, дури, недели што може да им овозможи на бактериите да се акумулираат и растат до нивоа способни за пренос и инфекција“, велат авторите на студијата.

Тие, исто така, наведуваат дека ризикот од инфекција дополнително се зголемува во случаи кога детето веќе има лезии или абразии на кожата.

Тимот открил дека бактериската колонизација била највисока до илјада клетки по топка со што се покажал ризик од пренесување и евентуално инфекција кај изложените деца. Истражувачите, исто така, забележале значителна разлики во степенот на раширеност на микроорганизмите во различните клиники и локации што укажало на тоа дека клиниките користат различни протоколи за чистење и одржување на овие детски катчиња.

Прочитајте:  Синдромот Вилијамс

Тимот изјави дека не постојат стандарди или насоки за чистење на овие простори наменети за децата. Тие потенцираат дека во некои клиники персоланот користел комерцијална машина за перење за чистење на топки, во други ултравиолетова светлина за дезинфекција на топчињата.

„Оттука, треба да се направи понатамошно проучување на количината на колонизација и, ако е оправдано, да се стандардизираат протоколи за чистење за да се ограничи присуството на опортунистички патогени во овие средини“, заклучува тимот.


Споделете со пријателите!