probiotici-kako-ajdjuvantna-terapija-pri-iritabilni-creva
Споделете со пријателите!

Cиндромот на иритабилни црева претставува агресивен имунолошки одговор на постојаната цревна флора
Синдромот на иритабилни (нервозни) црева претставува многу често гастроинтестинално заболување во клиничката практика. Се смета за болест на современиот живот. Во последните години сѐ повеќе се зголемува бројот на лица со синдром на иритабилни црева. Почесто се јавува кај жените, за разлика од мажите, а симптомите кај поголемиот број пациенти се јавуваат до 35-тата година од животот. Симптомите со кои се одликува болеста се абдоминана болка, надуеност и променет мотилитет на цревата, кои траат најмалку три месеци. Се покажало дека кај дел од пациентите постои моторна и сензорна абнормалност во гастроинтестиналниот тракт. Кај пацинтите тегобите се јавуваат или засилуваат за време на стресни ситуации. Болните се најчесто депресивни или аксиозни. Поради тоа оваа болест спаѓа во групата на психосоматски болести , иако називот синдром на иритабилни црева не е во потполност адекватен. Патогенезата на болеста се уште не е позната. Се смета дека нормалната микрофлора е важен фактор во развојот на болеста. Се претпоставува дека синдромот на иритабилни црева претставува агресивен имунолошки одговор на постојаната цревна флора.

Постојат многу начини на третман кои вклучуваат додатоци во исхраната, како храна богата со растителни влакна, пробиотици, антидепресиви, психотерапија, акупунктура и лаксативи.

Последните истражувања докажале дека добар ефект имаат и додатоци во исхраната кои содржат масло од нане, пробиотици и пребиотици, л-триптофан. Постојат информации кои кажуваат дека администрацијата на пробиотици има позитивни ефекти врз синдром на иритабилни црева. Се покажало дека некои пробиотици продуцираат невротрансмитери, невромодулатори кои можат да ги менуваат гастроинтестиналните функции како мотилитетот. Други пробиотици имаат функција да ја зголемат функцијата на мукозната бариера и да ја модулираат инфламацијата. Образложението за терапевтска употреба на пробиотици во СИЦ е изведено од хипотезата дека цревната микрофлора игра клучна улога во патогенезата на оваа болест.

Прочитајте:  Дали прескокнувањето на појадокот навистина води до прејадување?

Д-р Бурим Шабани


Споделете со пријателите!